عنوان: ٹرین ڈارائیور کے لیے نماز میں قصر و اتمام کا مسئلہ

سوال: میں ریلوے میں ٹرین ڈرائیور کی نوکری کرتا ہوں اور مجھے ہر دوسرے دن ۱۰۰/ کلومیٹر سے زیادہ سفر کرنا پڑتا ہے تو کیا مجھے قصر ادا کرنی ہوگی یا پوری نماز پڑھنی ہوگی؟

جواب نمبر: 14936901-Sep-2020 : تاریخ اشاعت

بسم الله الرحمن الرحيم

Fatwa ID: 539-435/sd=6/1438

قصر کے لیے سفر شرعی ، یعنی: اپنے وطن سے سوا ستہتر کلو میٹر کی نیت سے نکلنا شرط ہے، ایسی صورت میں آبادی سے نکلنے کے بعد قصر ضروری ہوگی ، لہذا صورتِ مسئولہ میں جب آپ اپنے وطن سے سوا ستہتر کلو میٹر کی مسافت کے ارادے سے نکلیں گے، تو آبادی سے نکلنے کے بعد آپ کے لیے قصر کرنا ضروری ہوگا ۔واضح رہے کہ مسافر شرعی بننے کے لیے آبادی کے ختم سے سوا ستہتر کلو میٹر کی مسافت کی قطعی نیت شرط ہے، اپنے خاص گھر سے کلو میٹر کا حساب نہیں لگایا جائے گا۔ ۔