عبادات - صلاة (نماز)

Pakistan

سوال # 13737

کیا نماز ادا کرتے وقت رکعتوں میں سورتوں کی ترتیب لازمی ہے۔ مثلاً اگر میں نے پہلی رکعت میں سورہ اخلاص پڑھی ہے تو کیا لازمی ہے کہ میں دوسری رکعت میں سورہ فلق پڑھوں یا سورہ ناس بھی پڑھ سکتاہوں؟ مجھ سے کسی نے کہا ہے کہ نماز میں سورتوں کی ترتیب اس طرح ہو کہ سورہ ناس آخری رکعت میں آئے۔ برائے کرم حدیث کی روشنی میں وضاحت فرماویں۔

Published on: Oct 18, 2018

جواب # 13737

بسم الله الرحمن الرحيم










فتوی : 921=723/ل



نماز میں سورتوں كی ترتیب كی رعایت كرتے ہوئے تلاوت كرنی چاہیے‏، فرض نماز میں خلاف ترتیب سورت پڑھنا یا بیچ میں چھوٹی سورت كا فصل كردینا مكروہ ہے‏، پس صورت مسئولہ میں اگر آپ نے پہلی ركعت میں سورہٴ اخلاص پڑھی ہے تو دوسری ركعت میں آپ كو سورہٴ فلق پڑھنا چاہیے‏، سورہٴ فلق چھوڑكر سورہٴ ناس پڑھنا مكروہ ہوگا۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات