عبادات - صلاة (نماز)

India

سوال # 1347

نماز ادا کرنے کے لیے جو مصلی بچھایا جاتا ہے اس پر کعبة اللہ یا مسجد نبوی کی تصویر ہوتی ہے۔ سجدہ میں جاتے وقت گھٹنے کا حصہ اس پر آتا ہے۔ نماز کے بعد امام دعا کے لیے جب بیٹھتے ہیں تو سرین کا حصہ اور پیر کے پنجے اس تصویر پر آتے ہیں۔ کیا ایسے مصلے پر نماز پڑھنا اور اس پر سرین ٹکا کر بیٹھنا جب کہ سرین حرمین شریفین کی تصویر پر ہو، صحیح ہے؟

Published on: Sep 13, 2007

جواب # 1347

بسم الله الرحمن الرحيم

فتوی: 421/ د= 404/د


 

مصلے پر کعبة اللہ یا مسجد نبوی کی بنی ہوئی تصویریں گو اصل کعبة اللہ یا مسجد نبوی کے حکم میں نہیں ہیں، مگر معظم و محترم چیز کی شبیہ و تصویر ہونے کی بنا پر لائق ادب ہے؛ اس لیے ایسے مصلے پر نماز پڑھنے سے احتیاط کرنی چاہیے، جن مصلوں پر یہ تصویر نہ بنی ہون ان کا استعمال کرنا زیادہ بہتر ہے۔

واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات