عبادات - صلاة (نماز)

India

سوال # 1306

تمام پنج وقتہ نمازوں (فجر، ظہر، عصر، مغرب، عشاء) میں کتنی نمازیں سنت موٴکدہ ہیں اور کتنی غیر موٴکدہ؟

Published on: Sep 13, 2007

جواب # 1306

بسم الله الرحمن الرحيم

فتوی: 812/ ج= 812/ج


 


فجر میں فرض سے پہلے دو رکعت، ظہر میں فرض سے پہلے چار رکعت اور فرض کے بعد دو رکعت، مغرب میں فرض کے بعد دو رکعت، اور عشاء میں فرض کے بعد دو رکعت، یہ کل بارہ رکعتیں پنج وقتہ نمازوں میں سنت موٴکدہ ہیں، اورعصر میں فرض سے پہلے چار رکعت، مغرب میں دو رکعت سنت موٴکدہ کے بعد چھ رکعت اوابین، عشاء میں فرض سے پہلے چار رکعت، اور اگر چاہے تو دو رکعت پڑھے۔ اور عشاء میں دو رکعت سنت موٴکدہ کے بعد چار رکعت یا دو رکعت، اور وتر کے بعد دو رکعت، یہ پنج وقتہ نمازوں میں سنت غیر موٴکدہ ہیں۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات