عبادات - صلاة (نماز)

Pakistan

سوال # 10220

مفتی صاحب مجھے آپ سے پوچھنا ہے کہ اگر نماز میں امام کا وضو ٹوٹ جائے جب کہ وہ جماعت پڑھا رہا ہو تو وہ موٴذن کو آگے کردے اور موٴذن قرأت وہیں سے کرے جہاں سے امام نے چھوڑی ہو․․․․․ کیا یہ مسئلہ صحیح اور فقہ حنفی کے مطابق ہے؟ اور اگر امام کا وضو اس جگہ ٹوٹا کہ امام وہ سورت پڑھ رہا تھا جوموٴذن کو نہیں آتی تھی تو اب موٴذن کیا کرے؟ اس کے بعد والی جو سورتیں ہیں اس میں سے کوئی پڑھ دے تو کیا صحیح ہوگا؟

Published on: Feb 1, 2009

جواب # 10220

بسم الله الرحمن الرحيم

فتوی: 131=125/ ب


 


جی ہاں یہ مسئلہ صحیح اور فقہ حنفی کے مطابق ہے۔ اگر موٴذن کو وہ سورت یاد نہیں ہے تو اس کے بعد والی کوئی سورت بھی پڑھ لے درست ہے۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات