عبادات - صلاة (نماز)

India

سوال # 1022

یہاں ایک آدمی ہے جو میرے علم کے مطابق سنت پر عمل کرتا ہے ، داڑھی رکھتا ہے ، ٹخنوں سے اوپر پاجامہ پہنتا ہے، پنجوقتہ نماز پڑھتا ہے، کبھی نماز نہیں چھوڑتا ، حتی کہ سفر میں بھی نماز کی پابندی کرتا ہے، پابندی سے صدقہ کرتا ہے، غیر محرم سے اپنی نظر کی حفاظت کرتا ہے ، ذکر کرتا ہے ، روزآنہ تلاوت قرآن کرتا ہے، لیکن اس کو سگریٹ پینے کی بری عادت ہے۔ کیا سگریٹ نوشی اسلام میں سختی کے ساتھ منع ہے؟ براہ کرم،قرآن و حدیث کی روشنی میں مکمل دلائل عنایت فرمائیں۔ کیا ایسا آدمی نماز پڑھا سکتا ہے؟

Published on: Jul 10, 2007

جواب # 1022

بسم الله الرحمن الرحيم

(فتوى:  470/ن = 458/ن)


 


(۱) بلاضرورت سگریٹ، بیڑی وغیرہ پینا جن میں تمباکو استعمال ہوتا ہے مکروہ تنزیہی ہے لیکن منہ کو صاف کرنا بدبو سے ہرحال میں ضروری ہے۔


 

(۲) اگر بوقتِ نماز اس کے منھ سے سگریٹ کی بدبو نہ آتی ہو تو وہ نماز پڑھا سکتا ہے۔ اس کے پیچھے نماز بلاکراہت درست ہوجائے گی۔

واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات