متعلقہ سوالات

مفتی صاحب میں نے ایک خواب دیکھا ہے، برائے کرم اس کی تعبیر بتادیں۔ خواب: میرے بڑے بھائی دعا کرتے ہیں کہ اللہ کرے اب تمہارے بھی بچے ہوجائیں میری بھابھی سامنے بیٹھی ہوتی ہیں۔ میں ان کو کہتی ہوں کہ یہ دعا بہت اچھی ہے لیکن شادی کے بعد۔ اس کے بعد تھوڑی دیر میں منظر بدل جاتا ہے۔ اور میں یہ دیکھتی ہوں کہ میری فیملی کے ساتھ میں اسپتال میں جاتی ہوں میری بھابھی میرا نام لکھا کر آتی ہیں۔ تھوڑی دیر میں مجھے اسپتال والے بلاتے ہیں۔ اس وقت میں اپنی بڑی بہن سے بات کررہی ہوتی ہوں۔ میں اسپتال میں جاتی ہوں وہاں وہ میرا نام پکارتے ہیں لیکن میرے والد کے نام کے ساتھ نہیں ایک لڑکے کے نام کے ساتھ (اس لڑکے کو میں جانتی ہوں)۔ میں ان کو کہتی ہوں کہ ہاں میں ہی ہوں۔اس وقت میں اس لڑکے کے ساتھ اپنا نام سن کر بہت خوش ہوں۔ میری بڑی بہن مجھے چھیڑتی ہے تو میں کہتی ہوں ایسے ہی لکھوا دیا ہے۔ تو وہ کہتی ہیں ایسے ہی نہیں لکھواتے۔ دل میں کہتی ہوں اب میں حاملہ ہوں۔ میں بہت خوش ہوکر جواب دے رہی ہوتی ہوں۔ او رمارے خوشی کے تھوڑا شرماتی ہوں۔ اس کے بعد ایک عورت مجھے کہتی ہے کہ آپ پھر آگئی۔ میں نے کہا کہ آج تو آنا ہی تھا۔ اپنی ماں کو کہتی ہوں کہ اس عورت کو میں اپنی ماں کی طرح سمجھتی ہوں۔ وہ کہتی ہیں آج کو ئی گھر پسند آیا میں ایک گھر کی طرف اشارہ کرکے کہتی ہوں ہاں اور بہت خوش ہوں۔ اس خواب کی تعبیر بتادیں۔

میں کئی مہینوں سے بہت پریشان ہوں، بہت دفعہ خواب میں سانپ دیکھتی ہوں جو مجھے یا میرے بچوں کو کاٹ رہاہے، کبھی ساس یا نند بھی ساتھ نظر آتی ہیں اور کبھی دیور اور دیورانی ۔ ایک عامل سے رابطہ کیا ، وہ کہتے ہیں کہ دیور اور دیورانی تماری مالی آسود گی سے حسد میں جھوڈو کے چھوٹے شہر میں رہتے ہیں وہیں سے کسی ہندو عامل سے جادو کرواتے ہیں۔ جب سے میں نے کراچی میں فلیٹ لیا ہے تب سے ایک سال سے یہ خواب مجھے بہت تنگ کررہاہے۔ براہ کرم، میرے سکون کے لیے اور مصیبت سے چھٹکارے کے لیے ضرور کوئی رہ نمائی فرمائیں۔دوہفتے میں ہمیں سعودی سے کراچی جاناہے اور اس سلسلے میں بھی خواب میں اپنے آپ کو شوہر سے الگ جنگل میں بھٹکتے دیکھاہے۔

میں ایک خواب کی تعبیر جاننا چاہتاہوں اور وہ یہ کہ گزشتہ شب میں نے دیکھا کہ میں جمعہ کی نماز جامع مسجد میں پڑھ رہا ہوں۔ اچانک پیچھے سے ایک شور ہوا سب لوگ مع میرے پیچھے مڑ کر دیکھنے لگے امام صاحب بھی خاموش ہوگئے یعنی قرأت روک دی۔ معلوم یہ ہوا کہ مسجد کے حوض میں ایک بچہ گرا اور وہ ہاتھ پیر مارتا ہوا کسی طرح سے حوض کے کنارے پہنچ گیاہے۔ اور تھوڑے سے وقفہ کے بعد سب لوگ پھر نماز میں مشغول ہوگئے اور نماز پوری ہوگئی۔ میرے ساتھ میرا چھوٹا بیٹا بھی تھا جو چوتھی کلاس میں پڑھتا ہے ،جب چلے تو اچانک مسجد میں ایک کنواں دکھائی دیا میں نے اس کا ہاتھ پکڑا اور کہا دیکھو نیچے کنواں ہے ادھر سے ہٹ کر چلو اور ہم دونوں آگے کی طرف چل دئے۔ اچانک میری آنکھ کھل گئی اور طبیعت فکر مند ہوگئی یہ سمجھ میں نہیں آیا کہ نماز پیچھے مڑ کر دیکھنے کے بعد بنا دوبارہ نیت کے پوری ہوئی یا نہیں جب کہ تقریباً سبھی لوگوں نے نیچے مڑ کر دیکھا تھا امام صاحب کے بارے میں مجھے کچھ نہیں معلوم؟ از راہ کرم میرے خواب کی تعبیر جلد از جلد بتائیں۔ خواب صبح فجر کے قریب دیکھا تھا۔

چہرہ نوچنے اور بال پر مشتمل انڈا دیکھنے کی تعبیر