عنوان: قربانی کس پر فرض ہے

سوال: (۱)قربانی کس پر فرض ہے ، اس کا حوالہ دیجئے؟ (۲) کیاگھر کا منتظم اگرایک جانور کی قربانی دیں تو اس کے گھر میں پائے جانے والے افراد جو تقریبا دس ہوں، کیا ان سب کی کفالت ایک جانور سے ہوجائے گی؟حوالہ دیجئے۔

جواب نمبر: 5616301-Sep-2020 : تاریخ اشاعت

بسم الله الرحمن الرحيم

Fatwa ID: 53-53/M=1/1436-U جو مسلمان عاقل، بالغ اور مقیم ہو اور قربانی کے دنوں میں اس کی ملکیت میں حاجت اصلیہ سے زائد اور دین سے فارغ اتنا مال ہو جس کی قیمت ساڑھے باون تولہ چاندی کے برابر ہو خواہ وہ تجارتی ہو یا نہ ہو، اوراس مال پر سال گزر گیا ہو یا نہ گزرا ہو بہرصورت اس شخص پر قربانی واجب ہے۔ (۲) اگر گھر کے تمام افراد صاحب نصاب ہیں توہرایک پر الگ الگ قربانی واجب ہے، ایک جانور کی قربانی تمام اہل خانہ کی طرف سے کافی نہیں،حوالے کے لیے دیکھئے شامی، ہندیہ،بدائع اور دیگر کتب فقہ وفتاوی۔