india

سوال # 172990

قربانی کی دعا کیا ہے اور اگر سات لوگوں کی قربانی ہے تو ان کا نام دعا میں کیسے لیں گے؟

Published on: Sep 12, 2019

جواب # 172990

بسم الله الرحمن الرحيم


Fatwa:1080-938/sn=1/1441



قربانی کا جانور ذبح کرتے وقت اوّلا یہ دعا پڑھے: إنی وجہت وجہی للذی فطرالسموات والأرض علی ملة إبراہیم حنیفا وما أنا من المشرکین إن صلاتی ونسکی ومحیای ومماتی للہ رب العالمین لا شریک لہ وبذلک أمرت وأنا من المسلمین․ اس کے بعد بسم اللہ واللہ اکبر پڑھ کر جانور ذبح کرے ، نبی کریم صلی اللہ علیہ وسلم سے ایسا کرنا ثابت ہے۔ (مرقاة المفاتیح شرح مشکاة المصابیح 3/ 1082، ط: بیروت) اور بعد ذبح یہ دعا پڑھے اللہم تقبل منی کما تقبلت من حبیبک محمد وخلیلک إبراہیم علیہم السلام۔ (دیکھیں: فتاوی محمودیہ 17: 487، ط: ڈابھیل)



اگر ذابح کی طرف سے قربانی نہ ہو؛ بلکہ کسی اور کی طرف سے ہو تو ”من“ کے بعد جس کی طرف سے قربانی کی جارہی کے اس کا نام لے، ، اگر ذابح کے ساتھ دیگر لوگ بھی شریک ہوں تو اس طرح کہے ”منی ومن فلان وفلان“ إلخ



واضح رہے کہ بہ وقت ذبح بسم للہ پڑھنا تو ضروری ہے؛ لیکن دعائیں پڑھنا یا مضحی کا نام لینا شرعا ضروری نہیں ہے، محض دل کی نیت و ارادہ کافی ہے؛ باقی اگر دعا پڑھ لے اور ناموں کا بھی ذکر کردے تو اچھا ہے۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات