عنوان: اپنی قربانی كی بجائے آپ صلی اللہ علیہ وسلم کے نام قربانی کرانا

سوال: کیا ہم عید الاضحٰی کے موقع پر اپنے نام کی قربانی کرانے کے بجائے آپ صل اللہ علیہ وسلم کے نام قربانی کرا سکتے ہیں؟ ہماری استطاعت صرف ایک ہی قربانی کرانے کی ہے ، اور ہم یہ چاہتے ہیں کہ یہ ایک قربانی آپ صہ کے نام کراء جائے...تو کیا ایسا کرنا صحیح ہوگا؟ شکریہ

جواب نمبر: 17291101-Sep-2020 : تاریخ اشاعت

بسم الله الرحمن الرحيم

Fatwa : 1159-913/SN=01/1441

اگر آپ صاحب نصاب ہیں تو آپ اپنی طرف سے قربانی کریں، آئندہ جب توفیق ہوگی تو حضور صلی اللہ علیہ وسلم کی طرف سے کر دیجئے گا، اس وقت آپ پر جو ضروری ہے، اس پر عمل کریں۔ اگر آپ صاحب نصاب نہیں ہیں تو اپنی طرف سے قربانی نہ کرکے ایصال ثواب کے مقصد سے آپ حضور صلی اللہ علیہ وسلم کی طرف سے قربانی کر سکتے ہیں، شرعاً اس میں کوئی حرج نہیں ہے۔