معاملات - حدود و قصاص

Pakistan

سوال # 50506

مفتیان کرام کیا فرماتے ہیں اس مسئلہ کے بارے میں کہ میں ٹریکٹر ٹرالی کا ڈرائیور ہوں ، میں ایک مرتبہ ٹریکر چلارہاتھا کہ پیچھے سے ایک موٹر سائکل سوار نے مجھے کراس کرنے کی کوشش کی ، اور اس دوران موٹر سائکل کا ٹائر پھسلا اور اسکے ساتھ موٹر سائکل پر بیٹھی ہوئی عورت ٹرالی کے ٹائر کے نیچھے آگئی اور مرگئی اور مجھے اس وقت پتہ چلا جبکہ ٹرالی اس کے اوپر گزر گئی تھی ۔ ورثاء نے تو معاف کیا ہے لیکن کیا مجھے قتل خطاء کا کفارہ روزے رکھنے ہونگے ؟

Published on: Jan 13, 2014

جواب # 50506

بسم الله الرحمن الرحيم

Fatwa ID: 306-305/N=3/1435-U

آپ کے ٹریکٹر کے پہیے کے نیچے آکر موٹر سائکل پر سوار عورت کی جو موت واقع ہوئی ہے یہ جاری مجری خطا ہے جس میں قاتل پر کفارہ قتل واجب ہوتا ہے، لہٰذا صورت مسئولہ میں آپ پر کفارہٴ قتل واجب ہے اور وہ یہ ہے کہ دو مہینے مسلسل روزے رکھے جائیں کذا في الدر والرد (کتاب الجنایات: ۱۰/ ۱۶۱ ط مکتبہ زکریا دیوبند) والمختار والاختیار (۳: ۲۸۰، ۲۸۲ ط دارالکتب العلمیہ بیروت)

واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات