متعلقہ سوالات

میری عمر 22سال ہے۔میں نے ایک خواب دیکھا جس میں میں نے حضرت محمد صلی اللہ علیہ وسلم کو دیکھا۔ آپ صلی اللہ علیہ وسلم نے فرمایا ?تم کامیاب ہوگے?۔ میں نے چہرہ مبارک نہیں دیکھا میں نے صرف چمک دمک دیکھی جس سے آواز آرہی تھی۔ میں نے سوچا کہ میں اپنے گناہوں کی وجہ سے آپ صلی اللہ علیہ وسلم کے چہرہ مبارک کو نہیں دیکھ سکا۔ اس کے بعد میں یہ سمجھنے کے قابل نہیں تھا کہ آپ صلی اللہ علیہ وسلم نے کیا مراد لیا۔ بعد میں میری زندگی تبدیل ہوگئی۔ میں نے جماعت میں جانا شروع کیا اور داڑھی رکھ لی اور متقی اور پرہیزگار بننے کی کوشش کی۔ اس کے بعد میرے ساتھی نے خواب دیکھا جس کے اندر اس نے نبی کریم صلی اللہ علیہ وسلم کو اپنا عمامہ میرے سر پررکھتے ہوئے دیکھا اور یہ اشارہ کرتے ہوئے کہ دین کا کام مجھ سے لیا جائے گا۔ میں ایک طالب علم ہوں اور ہاسٹل میں رہتا ہوں جہاں میں تبلیغی جماعت کے ساتھ جاتا ہوں اور اچھا رہتا ہوں۔ لیکن جب میں گھر جاتا ہوں تو میں بالکل مختلف ہوتا ہوں۔ کوئی عمل نہیں ہوتا ہے بلکہ میں گناہ میں ملوث ہوتا ہوں۔اور میں بہت زیادہ کمزور ہوں نہیں جانتا ہوں کہ گھر پر اپنے آپ پر کیسے کنٹرول کروں۔ میں بہت زیادہ فکر مند ہوں میرے گناہ میرے زندگی تباہ کررہے ہیں۔ میں اپنا ایمان مضبوط بنانا چاہتا ہوں لیکن ڈرتا ہوں کہ اگر میں تصوف کی طرف جاؤں گا تو میں تبلیغ کرنے کے قابل نہیں ہوں گا۔ اب میری بہن نے مجھ سے کہا کہ اس نے خواب دیکھا جس کے اندر میں نے اپنی داڑھی مونڈوالی ہے اس خوف سے کہ لوگ کہیں گے کہ یہ دہشت گردہے۔ برائے کرم میری مددکریں۔

میں نے ایک رات خواب دیکھا کہ زبر دست طریقہ سے سمندر کی لہریں اٹھ رہی ہیں او رپانی کی چادر اتنی اونچی ہو جاتی ہیں کہ ہزاروں میل دور سے دکھائی دے رہی ہیں، جب کہ میرے علاقہ کے قریب سمندر بھی نہیں ہے۔ میرے پورے شہر میں زبردست بارش ہو رہی ہے اور میں بہت خوف زدہ ہوں اور اپنے قریب کے لوگوں سے کہہ رہا ہوں کہ اب بچنے کا کوئی راستہ نہیں ہے اب تو یہ پورا شہر ڈوب جائے گا بس دعا کرو۔ اور اسی گھبراہٹ میں میں اپنے بیٹے سے کہتاہوں کہ تم اپنی دادی کو بلا لاؤ جو پڑوس میں ایک جگہ ہیں (دادی دنیا میں نہیں ہیں) بچہ دادی کو لے کر گھر آتاہے اور اسی اثنا میں میری آنکھ کھل جاتی ہے۔ جب سے میں نے یہ خواب دیکھا ہے میں بہت پریشان ہوں۔ از راہ کرم جلد از جلد اس کی تعبیر بتائیں۔

علامہ شامی کا نام اور ان کی مشہور کتاب کا نام