عنوان: اپنی زمین کے قبرستان پر مکان بنانا

سوال: زید کی زمین پر ان کے ہی خاندان کی پرانی قبریں تھیں، ۲۵ سال سے زائد عرصہ گزر چکا ہے اب اس پر تدفین نہیں ہوتی، سوال یہ ہے کہ اب زید اس زمین کو اپنے نئے مکان کی تعمیر میں شامل کرنا چاہتا ہے۔ کیا اس کی کوئی شکل ہے۔ براہ کرم جواب عنایت فرمائیں۔

جواب نمبر: 17309829-Aug-2020 : تاریخ اشاعت

بسم الله الرحمن الرحيم

Fatwa : 37-31/M=01/1441

اگر واقعہ یہی ہے کہ پرانی قبریں، زید کی مملوکہ زمین میں تھیں اور وہ قبریں اتنی پرانی ہو چکی ہیں کہ میت کی ہڈیاں مٹی میں تبدیل ہو چکی ہیں تو ایسی صورت میں زید اسی زمین کو اپنے مکان کی تعمیر میں شامل کر سکتا ہے۔ جاز زرعہ والبناء علیہ إذا بلي و صار تراباً ․ (درمختار: ۳/۱۳۶، اشرفی دیوبند)