متعلقہ سوالات

آپ سبھی حضرات کی خدمت اقدس میں اللہ تعالی کے اس گناہ گار بندے کا سلام عرض ہے۔ اللہ تبارک و تعالی آپ سب کی تمام دینی اور دنیاوی خدمات کو خوب خوب قبول فرمائے اور اس بین الاقوامی ادارے کی، اس کے ذمہ داران کی او رتمام خیر خواہوں کی حفاظت فرمائے۔ میرا سوال خواب کے متعلق ہے۔ میری بھابھی جو کہ دہلی انڈیا میں رہتی ہیں انھوں نے کچھ عرصہ پہلے ایک خواب دیکھا کہ ان کے شوہر آم لائے ہیں اور بھابھی جی اور ان کے بچے کھا رہے ہیں لیکن گھر کے دوسرے افراد نہیں کھا رہے جب کہ بھابھی او ربھائی کوشش کررہے ہیں کہ سب لوگ کھائیں۔ برائے کرم تعبیر فرمادیجئے۔

میں اپنی اہلیہ کے ساتھ دبئی میں رہتاہوں یہاں میری کسی ایسے شخص سے جان پہچان نہیں ہے کہ ان سے اردو میں خواب کی تعبیر معلوم کرسکوں۔ طویل خواب ہے میں معافی چاہتاہوں کہ آپ کا قیمتی وقت لے رہا ہوں۔ برائے مہربانی خواب کی تعبیر بتادیجئے، روم میں ایک مصری کی فیملی رہتی ہے۔ میری اہلیہ نے فجر کی نماز کے بعد سوتے وقت ایک خوا ب دیکھا ہفتہ کے دن انھوں نے دیکھا کہ دو بندر ایک چھوٹا اور دوسرا بڑا ڈراؤنی شکل کا ان کے بدن پر کانٹے ہیں اور دانت اور ناخون نکلے ہیں وہ مصری فیملی کے روم میں دروازہ کے نیچے سے داخل ہو گئے، چھوٹا بندر خاموش بیٹھ گیا اور بڑا بندر ان کو ہو ہو کرکے ڈرانے لگا۔ وہ لوگ ڈر کر چیخنے لگے ۔ان کی آواز سن کر میری اہلیہ ایک بندہ لے کر وہاں گئی اور بندر کو مارنے لگی، تو بڑا بندر ان کے چپک گیا اورکانٹے چبھنے لگے اور اس نے ان کے دائیں ہاتھ پر زور سے کاٹ لیا اور جب اس کو جھٹک دیا تو وہ چھت کی طرف سے نکل کر باہر چلا گیا۔ میری اہلیہ ڈر کر واپس اپنے روم میں آگئی تو بندر واپس مصری فیملی کے روم میں چلا گیا۔ پھر کچھ دیر بعد میری اہلیہ نے گیٹ سے دیکھا تو وہ بندر ہمارے روم کے سامنے بیٹھا ہے او راس نے ایک چھوٹے بچے کو پکڑ رکھا ہے وہ بچہ بہت کالا ہے۔ قریب میں مکان مالک کی نوکرانی بیٹھی ہے اور بڑا بندر اس کو کچھ نہیں کہہ رہاہے اور چھوٹا بندر اس کے ساتھ کھیل رہا ہے۔ جب اس بچے کو کھجلی ہوتی ہے تو وہ بندر اس کا ہاتھ ہٹا کر خود کھجانے لگتا ہے۔ میری اہلیہ سوچ رہی ہیں کہ مجھے فون کرکے بلائے یا نہیں کیوں کہ اگر فون کریں گے او رمیں آؤں گا تو بندر مجھے بھی پکڑ لے گا ۔تبھی میں بنا کسی خبر کے وہاں آگیا اور میں نے جب اس کو بھگایا تو بندر بھاگ گیا۔

(۲)اگر کوئی خواب نظر آئے تو کیا کرنا چاہیے ہم صدقہ کرکے دو رکعت نماز پڑھ لیتے ہیں۔او رخواب کی تعبیر پوچھنے کے بارے میں کیا احتیاط رکھنا چاہیے؟

دن کے اکثر حصے میں ذکرنا چاہئے یا درودشریف پڑھنا چاہئے؟

میں یہ پوچھنا چاہتا تھا کہ شیعہ کہتے ہیں کہ ہم سید ہیں اور ہمارا رشتہ باقر مطلب اپنے بارہ امام کے نام گنواتے ہیں۔ تو میرا سوال ہے کہ سنی جو ہوتے ہیں سید ،شاہ اورجیلانی یہ کس سے ہیں ؟اور سنی میں سید کسے کہا جاتا ہے؟ میں سید کی حقیقت جاننا چاہتا ہوں۔