عنوان: دوسری بیوی کے وہ بچے جو اس کے پہلے شوہر سے ہیں اور میرے وہ بچے جو میری پہلی بیوی سے ہیں كیا ان كا آپس میں پردہ ہے؟

سوال: حضرت، میری دوسری بیوی کے بچے میرے اپنے بچوں کے محرم ہوں گے؟ میری دوسری بیوی کے بچے میرے بھائی، بہن، ماں ، والد صاحب، میری پھوپھی، میری خالہ، میرے ماموں، میرے پھوپھا، میرے خالو کے محرم ہوں گے؟ میری دوسری بیوی کے بچے میری پہلی بیوی کی بہن (میرے اپنے بچوں کی خالہ) یا اس کی ماں (میرے اپنے بچوں کی نانی) یا اس کے والد (بیوی کے والد) کے محرم ہوں گے؟ (دوسری بیوی کے بچوں سے مراد ہے اس کے پہلے شوہر سے جو اس کے تھے، میرے سے نہیں)۔

جواب نمبر: 16042001-Sep-2020 : تاریخ اشاعت

بسم الله الرحمن الرحيم

Fatwa:802-749/M=8/1439

صورت مسئولہ میں دوسری بیوی کے وہ بچے جو اس کے پہلے شوہر سے ہیں اور آپ سے نہیں ہیں وہ آپ کے ان بچوں کے لیے جو آپ کی پہلی بیوی سے ہیں اور سوال میں مذکور آپ کے جملہ اقارب کے لیے نامحرم ہوں گے۔