عنوان: خواب میں دانت گرنے کی تعبیر

سوال: حضرت، میری بیوی مسلسل خواب دیکھ رہی ہے کہ اس کا ایک دانت گررہاہے۔ وہ عام طور پر خواب نہیں دیکھتی ہے لیکن بسا اوقات کبھی وہ خواب دیکھتی ہے۔ کچھ عرصہ سے وہ بار بار خواب دیکھ رہی ہے کہ اس کے دانت گر رہے ہیں۔ مہربانی فرماکر مجھے یہ بتائیں کہ اس خواب کا کیا مطلب ہے؟ اور ہم کیا کریں؟ اب ہماری شادی کو چار سال ہو چکے ہیں، اور ہماری کوئی اولاد نہیں ہے۔

جواب نمبر: 15941501-Sep-2020 : تاریخ اشاعت

بسم الله الرحمن الرحيم

Fatwa:669-559/N=7/1439

اہل تعبیر نے خواب میں دانت گرنے کی مختلف تعبیریں دی ہیں، ان میں ایک تعبیر حصول اولاد ہے؛ اس لیے آپ کی بیوی کے خواب کی تعبیر بہ ظاہر یہ معلوم ہوتی ہے کہ آپ کو ان شاء اللہ اولاد ہوگی۔ میں بھی آپ کے لیے نیک وصالح اولاد کی دعا کرتا ہوں۔