متعلقہ سوالات

مفتی صاحب میں نے ایک خواب دیکھا ہے، برائے کرم اس کی تعبیر بتادیں۔ خواب: میرے بڑے بھائی دعا کرتے ہیں کہ اللہ کرے اب تمہارے بھی بچے ہوجائیں میری بھابھی سامنے بیٹھی ہوتی ہیں۔ میں ان کو کہتی ہوں کہ یہ دعا بہت اچھی ہے لیکن شادی کے بعد۔ اس کے بعد تھوڑی دیر میں منظر بدل جاتا ہے۔ اور میں یہ دیکھتی ہوں کہ میری فیملی کے ساتھ میں اسپتال میں جاتی ہوں میری بھابھی میرا نام لکھا کر آتی ہیں۔ تھوڑی دیر میں مجھے اسپتال والے بلاتے ہیں۔ اس وقت میں اپنی بڑی بہن سے بات کررہی ہوتی ہوں۔ میں اسپتال میں جاتی ہوں وہاں وہ میرا نام پکارتے ہیں لیکن میرے والد کے نام کے ساتھ نہیں ایک لڑکے کے نام کے ساتھ (اس لڑکے کو میں جانتی ہوں)۔ میں ان کو کہتی ہوں کہ ہاں میں ہی ہوں۔اس وقت میں اس لڑکے کے ساتھ اپنا نام سن کر بہت خوش ہوں۔ میری بڑی بہن مجھے چھیڑتی ہے تو میں کہتی ہوں ایسے ہی لکھوا دیا ہے۔ تو وہ کہتی ہیں ایسے ہی نہیں لکھواتے۔ دل میں کہتی ہوں اب میں حاملہ ہوں۔ میں بہت خوش ہوکر جواب دے رہی ہوتی ہوں۔ او رمارے خوشی کے تھوڑا شرماتی ہوں۔ اس کے بعد ایک عورت مجھے کہتی ہے کہ آپ پھر آگئی۔ میں نے کہا کہ آج تو آنا ہی تھا۔ اپنی ماں کو کہتی ہوں کہ اس عورت کو میں اپنی ماں کی طرح سمجھتی ہوں۔ وہ کہتی ہیں آج کو ئی گھر پسند آیا میں ایک گھر کی طرف اشارہ کرکے کہتی ہوں ہاں اور بہت خوش ہوں۔ اس خواب کی تعبیر بتادیں۔

کچھ وقت پہلے مجھ کو ایک خواب آیا تھاکہ میں اپنے امتحان کا رزلٹ پانے والی تھی یا کچھ اسی طرح۔ پھر مجھے یاد ہے کہ اچانک میں ایک بس کے سامنے تھی اور پھر اچانک پھر سے کالج آگئی کینٹین کے اندر۔ ایک انسان نے میرے سامنے بہت کھانا خریدا اور باورچی نے اس کے ایک پلیٹ کے ساتھ اس کے ٹیبل کو خود ہی صاف کردیا۔ میں نے عام کھانا کھایا۔ پھر میں نے ایک کاغذ دیکھا جس میں یہ خبر تھی کہ میرا بچہ جو پیٹ میں تھا وہ مرگیا۔ اس کا یہ مطلب ہوا کہ میں اس سپنے میں حاملہ تھی، لیکن سپنے میں یہ بری خبر سننے کے بعد میں پھر بھی خوش رہی۔ یہ سب کے بعد میں نے پھر اپنے آپ کو بس پکڑنے کیجگہ میں دیکھا ،لیکن میں نے بس کو جانے دیا۔ پھر میں بس اسٹاپ میںآ ئی۔ (میں نہیں جانتی کہ وہ بچہ تھا یا عام انسان) لیکن کوئی تو تھا۔ ہماری بس نہیں آئی لیکن اور طرح کی بس آئی (جو ہماری بس نہیں تھی)۔ مجھ کو لگتا ہے کہ خواب وہیں پر ختم ہوگیا۔ کیا یہ نفس سے ہے یاواقعی میں اس کا کوئی مطلب ہے؟

میں نے خواب دیکھا ہے کہ میں او رمیرا چچا زاد بھائی دونوں ایک جیپ میں پیچھے کی طرف بیٹھے ہوئے ہیں اور میرے ایک رشتہ دار وہ جیپ چلا رہے ہیں۔ ہم سب لوگ ایک ندی کے پل پر پہونچے جو بغیر منڈیر کے تھا اور ہمارے رشتہ دار گاڑی پیچھے کرنے لگے کہ اچانک گاڑی ندی کی جانب تھوڑی سی لڑھکی اور میں ندی میں گر پڑا ۔ میرے بعد میرا چچا زاد بھائی بھی گر پڑا۔ میں تو تیر کر فوراً نکل آیا لیکن میرا چچا زاد بھائی ڈوب گیا۔ میں پھر ندی میں اس کو ڈھونڈھنے کے لیے کودالیکن وہ نہیں ملا۔ اسی دوران اچانک ایک کٹے ہوئے ہاتھ نے میرے ہاتھ کو پکڑ لیا میں نے چھڑانے کی کوشش کی لیکن نہیں چھوٹ رہا تھا۔ تو پھر میں نے آیت الکرسی اور چاروں قل پڑھا۔ میرا ہاتھ چھوٹ گیا او راچانک میری نیند کھل گئی۔ دیکھتا ہوں کہ فجر کی جماعت میں چند منٹ باقی ہیں۔ اس کی کیا تعبیر ہے برائے کرم بتائیں۔