متعلقہ سوالات

مجھے آپ سے خواب کی تعبیر پوچھنی تھی ۔ میں اکثر خواب میں اپنے آپ کو گھر سے باہر شہر میں خاص کر روڈ پر دیکھتی ہوں۔ گھر کی طرف جارہی ہوتی ہوں لیکن گھر تک نہیں پہنچتی۔ ایک دفعہ دیکھا کہ میں گھر کی طرف جارہی ہوتی ہوں۔ گھر کے باہر فوج کی گاڑیاں ہوتی ہیں۔ ایک فوجی مجھے روک لیتا ہے او ربہت پوچھ گچھ کرتا ہے۔ میں اسے سمجھاتی ہوں کہ دیکھو میرا گھر سامنے ہے۔ اس دفعہ دیکھا ہے کہ میں گاڑی میں ہوتی ہوں اپنی امی کے ساتھ۔راستے بند ہوتے ہیں ہمیں گھر جانا ہوتا ہے۔ ہم ایک الگ راستے سے جاتے ہیں وہاں لوگوں کا بہت رش ہوتا ہے۔ کچھ مولوی قسم کے لوگ ہوتے ہیں۔ داڑھی والے اور ہری پگڑی انھوں نے پہنی ہوتی ہے۔ پھر آخر کار ہم اس روڈ پر جاتے ہیں جو ہمارے گھر کی طرف جاتا ہے۔ شہر میں ہڑتال ہوتی ہے۔ آس پاس دکانیں بند ہوتی ہیں۔ ہم گاڑی تیز بھگاتے ہیں کہ روڈ خالی ہے جلدی گھر پہنچ جائیں۔ کہیں لوگوں کا جلوس نہ نکل آئے۔ گھر جانے کے بجائے ہم ایک کالونی میں چلے جاتے ہیں جو ہمارے گھر سے پانچ منٹ دور ہے۔ پھر گاڑی سے اترجاتے ہیں۔ کالونی کا روڈ بہت پتھریلا ہوتا ہے۔ میں اور میری امی بھاگنا شروع کر دیتے ہیں۔ میری امی بہت تیز بھاگتی ہیں مجھ سے بھاگا نہیں جاتا بہت مشکل سے بھاگتی ہوں۔ پھر پانی کا ایک چشمہ دیکھتی ہوں۔ اس میں صاف شفاف پانی بہہ رہا ہوتا ہے۔ ہم سوچتے ہیں تھوڑی دیر یہاں رکیں گے پھر گھر جائیں گے۔ میرے ان خوابوں کی تعبیر بتائیں۔ کچھ مسائل کی وجہ سے میں بہت پریشان ہوں۔

میں ایک انجینئر ہوں اور جماعت کے کام سے منسلک ہوں، الحمد للہ تمام برائیوں سے توبہ کرچکا ہوں، الحمد للہ سنت کی پابندی بھی ہے۔ ایک خواب کے بارے میں پوچھنا تھاجو میں نے کئی مرتبہ دیکھا ۔ میری ایک خالہ ہیں جو بالکل جوان ہیں میں نے کئی مرتبہ خواب میں دیکھا کہ میں ان کے ساتھ کوئی بدفعلی کررہا ہوں۔ مہربانی کرکے خواب کی تعبیر کے بارے میں رہنمائی کردیں۔

میری امی نے نو سال پہلے جب ہم نے ایک LML کی موٹر سائیکل خریدا تھا تو ایک خواب دیکھا تھا خواب یہ ہے کہ نبی کریم صلی اللہ علیہ وسلم کسی چیز میں بیٹھ کر آئے او رکہے کہ تم گڈھے میں گر گئے ہو، مہربانی کرکے اس خواب کی تعبیر بتائیں۔ اس وقت ہمارے گھر میں اتنی دین داری نہیں تھی جتنی اللہ کے کرم سے اب ہے۔ اللہ کے کرم سے گھر میں سبھیلوگ پابندی سے نماز پڑھتے ہیں او ردعوت تبلیغ کے کام سے جڑے ہوئے ہیں۔ میرے لیے دعا فرماویں۔

میں ایک خواب کی تعبیرپوچھنا چاہتاہوں۔ میرا نام مجیب اللہ ہے۔ میں نے 7ستمبر2008کو صبح پونے سات بجے ایک خواب دیکھا ، سحری، فجر کی نماز اور قرآن کی تلاوت کرنے کے بعد میں سونے کے لیے بستر پر گیا اور جیسے ہی میں لیٹا پانچ منٹ کے بعد میں نے محسوس کیا کہ میری جان نکل رہی ہے اور میں کلمہ پڑھنے کی کوشش کررہا ہوں اور میں نے دو بار کلمہ بھی پڑھا اور اس وقت میرے ابا میرے دائیں طرف میں لیٹے ہوئے ہیں اور حقیقت میں میرے ابا میرے بغل میں سوئے تھے۔

مجھے تقریباً چھ مہینہ سے خواب میں مختلف قسم کے جہازنظر آرہے ہیں ۔ کبھی جہاز اپنے محلہ میں اترتے نظر آتے ہیں کبھی جہاز تباہ ہوتا نظر آتا ہے۔ عموماً خواب میں جہاز ہی نظر آتا ہے۔ برائے مہربانی مجھے خواب کی تعبیر بتادیں۔