متفرقات - دیگر

Pakistan

سوال # 151300

کچھ دن پہلے خواب میں دیکھا کہ ہوائی جہاز میں سفر کررہا ہوں کہ اچانک جہاز کا رخ جدہ کی طرف ہو جاتا ہے اور جہاز جدہ ائیر پورٹ پر اتر جاتا ہے ۔ میں یہ دیکھ کر تھوڑا پریشان ہو جاتا ہوں کہ میں نے تو احرام بھی نہیں باندھا ۔ پھر دل میں خیال آتا ہے کہ چلو یہیں سے خرید کر باندھ لوں گا ۔ پھر مجھ سے کوئی کہتا ہے کہ ایک بزرگ شخصیت "فلاں ابن مسعود" (پورا نام مجھے یاد نہیں ) سے جا کر ملو وہ تمہیں حرم کی سیڑھیوں پر ملیں گے اور اگر تم نے وقت مانگا تو وہ تم سے ضرور ملاقات کریں گے ۔ اور تمہاری مدد کریں گے ۔ مجھے یہ سن کر رونا آنے لگتا اور دل میں خیال آتا ہے میں ان کو اپنی زندگی کی ساری پریشانیاں بتا دوں گا تاکہ وہ میری مدد اور رہنمائی کر دیں۔

Published on: May 18, 2017

جواب # 151300

بسم الله الرحمن الرحيم


Fatwa: 924-843/B=8/1438



اس خواب سے پتہ چلتا ہے کہ آپ کے اندر دین داری کی کمی پائی جاتی ہے، دین سے محبت کم ہے، دنیاداری کا غلبہ زیادہ ہے۔ براہ مہربانی عبادات اخلاق اور معاملات تینوں چیزوں کو درست رکھیں۔ ورنہ ہمیشہ پریشانی گھیرے رہے گی۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات