متفرقات >> دیگر
سوال نمبر: 149454
جواب نمبر: 149454
بسم الله الرحمن الرحيم
676-609/SN=6/1438
خواب حجت شرعیہ نہیں ہے، نیز بسا اوقات خواب بہت برا ہوتا ہے؛ لیکن اس کی تعبیر اچھی ہوتی ہے؛ اس لیے صورت مسئولہ میں محض خواب کی بنا پر بیوی سے بدگمان ہونا یا اس سے نفرت کرنا جائز نہیں، آپ اس طرح کی باتیں ذہن سے بالکل نکال دیں اور معروف کے مطابق ازدواجی زندگی گزاریں۔
(۲) شادی کے بعد بیوی سے اس کی سابقہ زندگی سے متعلق اس طرح کی چیزوں کے بارے میں سوال کرنے کی ضرورت نہیں، نیز اس سے ازدواجی زندگی میں بدمزگی آتی ہے؛ اس لیے اس تحقیق و سوال میں بالکل نہ پڑیں اور حسن معاشرت کے ساتھ ازدواجی زندگی گزارتے رہیں۔
واللہ تعالیٰ اعلم
دارالافتاء،
دارالعلوم دیوبند