متفرقات >> دیگر
سوال نمبر: 149006
جواب نمبر: 149006
بسم الله الرحمن الرحيم
Fatwa ID: 466-380/D=6/1438
سوال نمبر (۱) واضح نہیں ہے۔ زمین خریدنے میں مدد کس طرح کی کرتا ہے؟ جس سے خریدی جاتی ہے اس سے پیسہ کس بات کے لینا طے کرتا ہے، صاف صاف لکھیں۔
(۲) قضا نماز پڑھنے کا طریقہ وہی ہے جو ادا نماز کا ہے بس نیت قضا کی کی جائے گی۔ البتہ قضا نمازیں زیادہ ہونے کی وجہ سے یا وقت کے تنگی کے سبب تیسری چوتھی رکعت میں اسی طرح التحیات کے بعد درود شریف وغیرہ کی جگہ تین دفعہ سبحان اللہ پڑھ لے تو اس سے بھی نماز ادا ہوجائے گی، کیونکہ تیسری چوتھی رکعت میں قرأت کرنا یا سکوت اختیار کرنا یا سورہٴ فاتحہ کے علاوہ کچھ اور پڑھنا سب جائز ہے۔
اسی طرح قعدہ میں درود شریف اور دعا پڑھنا سنت درجہ کی چیز ہے۔
(۳) داڑھی ایک مشت ہو یعنی اس سے زائد کو کاٹنے کی اجازت ہے، ایک مشت تھوڑی کے نیچے اور اسی طرح ہرطرف سے ہو جس طرف سے زائد ہوجائے ادھر کاٹ سکتے ہیں۔
واللہ تعالیٰ اعلم
دارالافتاء،
دارالعلوم دیوبند