متعلقہ سوالات

میں اپنے ایک خواب کی تعبیر جاننا چاہتا ہوں۔خواب بیان کرنے سے پہلے میں اس خواب کے متعلق ایک بات کہنا چاہتا ہوں جو کہ اس سے تعلق رکھتی ہے۔ وہ یہ کہ میں حافظ بھی ہوں، میں نے خواب میں دیکھاکہ نیند کے اندر میں گاڑی چلا رہا ہوں اور بہت ہی گھٹیا انداز سے چلا رہا ہوں، کبھی یہاں کبھی وہاں اسی طرح میں ایک کھنڈر میں جا کے پہنچ گیا۔ وہاں اچانک جب میں گاڑی سے اترا تو دیکھا کہ میں بہت ہی بری طرح یہاں پھنسا ہوا ہوں اور سخت پریشان ہوں، کہ کیا کروں، کہاں جاؤں۔ اتنے میں ایک آدمی آتاہے جس نے سادہ پینٹ شرٹ پہنے ہیں اورشکل سے شریف ہیں، وہ مجھ سے کہتا ہے کہ میں تمہیں ایک شرط میں اس پریشانی سے نجات دلاؤں گا، یعنی راستہ بتاؤں گا۔ میں نے اس سے کہا چلو ٹھیک ہے بتاؤ۔ تو اس نے کہاکہ مجھ سے پہلے وعدہ کرو کہ تم مجھے قیامت کے دن جنت میں لے جاؤ گے۔ میں نے کہاٹھیک ہے۔ تو ظاہر ہے کہ نیند کے اندر میں اس حال میں پریشان تھا تو اس نے حل یہ نکالا کہ مجھے نیند سے اٹھا دیا، یعنی میں نیند سے فارغ ہوگیا، تو اس نیند کی پریشانی والی زندگی سے راحت میں آگیا۔

میں تبلیغی مرکز نظام الدین میں ایک رات سویا تو رات کوکوئی مجھ سے کہہ رہا ہے کہ نظام الدین مرکز کی زمین میں حضرت علی رضی اللہ تعالی عنہ مدفون ہیں۔ اس کی تعبیر کیا ہے؟ بندہ بہت عرصہ سے اس محنت سے وابستہ ہے۔

جنت الفردوس کا کیا مطلب ہے؟ جنت کا مطلب جنت او رفردوس کا مطلب بھی جنت تو جنت جنت؟ کیا یہ الفاظ حدیث وغیرہ میں آئے ہیں؟

میں نے آج فجر کی اذان سے آدھا گھنٹہ پہلے خواب میں دیکھا کہ ایک جگہ پر کچھ لوگ بیٹھے ہیں او رکوئی صاحب ان کو کوئی لیکچر دے رہے ہیں۔ ٹھیک سے یاد نہیں لیکن کوئی دینی موضوع ہوتا ہے او ربہت ہی سنجیدہ سہما سا ماحول ہوتا ہے۔ مسلمانوں کی دینی حالت اور اللہ کے عذاب کا بھی کچھ ذکر ہوتا ہے (یا صرف میرے دماغ میں ہی یہ خیال ہوتا ہے کہ ہم مسلمان اب سب وہ کام کررہے ہیں جن سے پہلے کی قوموں پر عذاب ہوا)۔ غرض ایسا ہے کہ عذاب کا خوف شاید سب کے دل میں بیٹھا ہوتا ہے۔ پھر بتایا جاتا ہے کہ لیکچر دینے والے صاحب کی فلائٹ ہے اور ان کو جانا ہے اس لیے وہ سب لوگوں کے سوالات (جو کہ شاید کہیں لکھے ہوتے ہیں) کے ایک ایک کرکے جواب نہیں دے سکتے۔ پھر اسی محفل میں جب اس کا اختتام ہو رہا ہوتاہے تو ایک صاحب وہاں پر طبلہ بجانا شروع ہوجاتے ہیں اور میں دل میں برا محسوس کرتی ہوں کہ ایسی محفل میں موسیقی کون بجا رہا ہے۔ خیر میں اگلے منظر میں ایک جگہ ہوتی ہے جو کہ پوری کی پوری مسجدوں کے لیے ہی خاص ہوتی ہے۔ اس میں بہت ساری کوئی مختلف طرح کی مسجدیں ہی ہوتی ہیں۔ کچھ ابھی زیر تعمیر ہوتی ہے جیسے فنشنگ وغیرہ باقی ہوتی ہے۔ ایک مسجد تو مجھے یاد ہے بہت ہی خوبصورت ہوتی ہے۔ ایسا لگتا ہے اس کے اوپر پورے شیشے ہی شیشے لگے ہوئے ہیں۔ میں ایک مسجد کے اندر ہوتی ہوں کوئی نماز پڑھنے کی جگہ نہیں ہوتی بس ایسے ہی اس کی باؤنڈری کے اندر ہوتی ہوں۔ میرے ساتھ میرا پانچ سال کا بھانجا بھی ہوتا ہے۔ او رمسجد کی دیوار پر پانی کی کچھ بوتلیں رکھی ہوتی ہیں۔ میرا بھانجا مجھ سے پانی مانگتا ہے او رمیں اس کو ان بوتلوں میں سے پانی نکال کر گلاس میں ڈال کر دیتی ہوں۔

میں سوفٹ کا ویئر کا انجینئر ہوں، میں اپنے ایک دوست کے بارے میں سوال کرنا چاہتاہوں۔ وہ پانچوں وقت کی نماز پڑھتے ہیں، صاحب لحیة ہیں اور اسلام اور دیوبند کا بے حد احترام کرتے ہیں۔ وہ کچھ گھریلو مسائل سے دوچار ہیں، (۱) نماز پڑھنے کے سلسلے میں ان کے گھر والے ان کی بات نہیں سنتے ہیں۔ (۲) ان کی بہن محبت کی وجہ سے گھر سے فرار ہوگئی ہے، اس کی وجہ سے وہ بد دل ہورہے ہیں تاہم اللہ پر بھروسہ رکھتے ہیں اور پابندی سے نماز اداکرتے ہیں۔ (۳) ان حالات کے سبب وہ مایوسی کا شکار ہورہے ہیں، مجھے خطرہ ہیکہ کہیں ان کے ایمان میں فساد نہ آجائے ۔ براہ کرم، مجھے بتائیں کہ میں ان کے مسائل کوکیسے حل کروں؟ قرآ ن کی کوئی آیت یا کوئی حدیث بتائیں جس کی مدد سے ان کے ایمان کو قوی کرسکوں۔

مولانا، اللہ پاک آپ حضرت کو جزائے خیر دے، آمین۔ میرا تعلق علمائے دیوبند، تبلیغی جماعت اور احناف سے ہے۔ (۱)عشاء کی نماز کے وقت ہمارے دوست لوگ جماعت کے مقصد سے سفر کے لیے نکلے ابھی عشاء کی اذان ہوگی۔اب ہم کو قریباً اسی کلو میٹر سے آگے جانا تھا ۔ہم نے وہاں پہنچ کر عشاء کی نماز قصر کے ساتھ پڑھی یہ جائز ہے کہ نہیں؟ (۲)ہمارے دوست کا ایک ساتھی یہاں عمرے کے لیے نکلا اب راستے میں اس کا انتقال ہوگیا اب دوسرا آدمی اس کی طرف سے عمرہ کر لیتا ہے تو کوئی حرج تو نہیں؟ (۳)تفسیر ابن کثیر جس کا ترجمہ اردو میں مولانا محمد جوناگڑھی نے کیا ہے اس کا مطالعہ کرنے میں کوئی حرج تو نہیں ہے؟ جواب ملاحظہ فرمائیں اور اہل دیوبنداور تبلیغی جماعت سے متعلق ویب سائٹ لنک ہو تو بھیج دیں تو آپ کی مہربانی ہوگی۔

جناب رات میں نے خواب دیکھا وقت کا تعین صحیح نہیں معلوم شاید صبح ساڑھے پانچ بجے سے پہلے کا وقت تھا یا بعد کا اس کا علم نہیں۔ میں خواب میں دیکھتا ہوں کہ حکیم صاحب ہمارے گھر آتے ہیں والدہ کو دعوت نامہ دیتے ہیں اور کہتے ہیں ضرور آنا میرا نکاح کا خطبہ بھی سننا۔میں اپنے ہاتھوں کو دیکھتا ہوں تو میرے ہاتھوں میں مسوں کی طرح یا پھر مسے ہی تھے جو میرے ہاتھوں کی ہتھیلی اور انگلیوں پر نمایاں تھے میں نے حکیم صاحب کو دکھایا تو انھوں نے کہا یہ بہت بڑی بیماری ہے اس کا علاج ہوگا میں نے حکیم صاحب کو کہا آپ تو دس بجے آکر مطب میں بیٹھیں گے اور میری آفس کا وقت ہوچکا ہوگا مہربانی فرماکر میرا نمبر لگا دینا یا پھر میں آؤں تو مجھے پہلے دیکھ لینا پھر اس کے بعد میں اپنے ہاتھوں کو دیکھتا رہتا ہوں اورسوچتا ہوں کہ یہ بیماری مجھ کو کس سے لگی ہیں؟(۲)میری زوجہ خواب میں اپنے مرحوم والد کو دیکھتی ہیں کہ وہ دکان کے معاملہ میں بڑے پریشان ہیں۔ پھر آنکھ کھل جاتی ہے میری بیگم کہتی ہیں اپنے دل میں ابو کو اللہ کے پاس جاکر بھی دکان کی لگی ہوئی ہے اور دل میں خیال آتا ہے کہ کہیں میرے چچا کچھ غلط تو نہیں کررہے ہیں۔ برائے مہربانی میری زوجہ کی دکان کے سلسلہ میں کچھ وظیفہ بتادیں تا کہ وہ جلد از جلد بک جائے ......