عبادات - قسم و نذر

Pakistan

سوال # 5774

میرے ایک دوست کی ماں نے یہ منت مانی کہ جب میرا لڑکا نوکری پاجائے گا تو میں اور میرا لڑکا اس کی تنخواہ سے عمرہ کرنے جائیں گے۔ اب حال یہ ہے کہ الحمد للہ اس کو نوکری مل گئی ہے، لیکن پھر بھی اس کے پاس عمرہ کے اخراجات برداشت کرنے کے لیے زیادہ پیسہ نہیں ہے۔ وہ کیا کرے؟ یا تو وہ تین یا چار مہینہ کی تنخواہ جمع کرے اس کے بعد یہ ممکن ہے یا وہ اپنے والد کے پیسہ سے عمرہ کرے؟ اور اگر میرا دوست اپنے بجائے اپنے والدین کو عمرہ پر بھیجنا چاہے تو کیا یہ درست ہے؟

Published on: Jul 12, 2008

جواب # 5774

بسم الله الرحمن الرحيم

فتوی: 516=552/ ل


 


مذکورہ بالا طریقے پر نذر ماننے سے نذر منعقد نہیں ہوئی اس لیے صورت مسئولہ میں نذر کا انعقاد نہیں ہوا: و أن لا یکون مالتزمہ اکثر مما یملکہ أو ملکاً لغیرہ (الدر المختار مع الشامی:۵/۵۱۹)۔ البتہ اگر آپ کے دوست اپنے والدین کو یا وہ خود اپنی والدہ کے ساتھ عمرہ پر جاتے ہیں تو یہ بہت ہی اچھی بات ہے۔ حدیث شریف میں حج و عمرہ کے بڑے فضائل مذکور ہیں۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات