عبادات - قسم و نذر

Pakistan

سوال # 162897

میں نے ایک کام نہ کرنے کی قسم کھائی تھی لیکن مجھے شک ہے کہ مجھ سے وہ کام ہو گیا ہے ، اب میں کفارہ ادا کرنا چاھتا ہوں تو جو اہم نکات ہیں وہ کرنے سے قاصر ہوں ، مجھے بتا دیں کہ کتنے پاکستانی روپے میں کسی غریب کو دے دوں؟ پلیز ضرور بتائیں۔

Published on: Jul 9, 2018

جواب # 162897

بسم الله الرحمن الرحيم


Fatwa:1107-974/D=10/1439



قسم ٹوٹ جانے کا شبہ ہونے کی بنا پر آپ قسم کا کفارہ ادا کرنا چاہتے ہیں تو قسم کا کفارہ یہ ہے دس مسکینوں کو دونوں وقت پیٹ بھر کر کھانا کھلادیں یا ایک ہی مسکین کو دس دن تک دونوں وقت پیٹ بھر کر کھانا کھلائیں یا دس مسکینوں کو صدقہ فطر کے برابر خشک غلہ (گیہوں) یا اس کی قیمت دیدیں یا ایک مسکین کو دس دن تک مذکورہ غلہ یا اس کی قیمت دیں۔ دس مسکینوں کے برابر غلہ یا قیمت ایک ہی مسکین کو ایک ہی دن میں دینا جائز نہیں۔



(۲) یا پھر دس مسکینوں کو بقدر ضرورت کپڑا بنوادیں۔



صدقہٴ فطر کی مقدار ایک کلو چھ سو تینتیس گرام گندم ہے ، پاکستان میں اس کی جو رقم بنتی ہو وہیں معلوم کرلیں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات