معاشرت - نکاح

india

سوال # 161659

کیا مجھے منگنی توڑ دینی چاہیے یا نہیں ٹوڑنے کی وجہ یہ ہے کہ لڑکی کے ماضی کا افیئر (معاشقہ )میرے گھر والو ں اور دوستو کے سامنے کھل گیا ہے ، مگر لڑکی صحیح ہے ۔
سوال: میری ایک لڑکی سے منگنی ہوئی تھی اس وقت مجھے پتا چلا تھا کہ اس کا ماضی میں کسی لڑکے کے ساتھ افئیر رہا تھا جس کے ساتھ گھومتے ہوئے وہ پکڑی بھی گئی تھی یہ بات ایک دو لوگو ں کو پتا تھی- اس وقت اس کی امر ۲۱ سال تھی اب اس کی امر ۱۲ سال ہے اور حال میں اس کا اس لڑکے سے کوئی تعلق بھی نہیں ہے اس وجہ سے میں نے اس کو قبول کر لیا تھا کیوں کہ میں جانتا تھا کہ وہ وو لڑکی صحیح ہے باکردار ہے ،مگر کچھ دن پہلے کسی آدمی نے میرے گھر والوں کو اس کے ماضی کے بارے میں سب کچھ بتا دیا،میرے گھر والو نے بھی اس کو بچپن کی نادانی سمجھ کے معاف کر دیا،مگرمیں اب اس لڑکی سے شادی نہیں کرنا چاہتا ہوں، کیوں کہ میرے گھر میں سب کو یہ پتا چل گیا ہے میرے بھائیوں کی بیویوں کو بھی پتا چل گیا ہے ، اب مجھے خوف ہے کہ کہیں اس کے کردار پر زندگی بھر انگلی نہ اٹھاتی رہے ، میرے دوستو کو بھی پتا ہے ، اس کا افیئر تھا،میں اب تذبذب میں ہوں کہ مجھے اس کو چھوڑ دینا چاہیے یا ابھی بھی اس کا ساتھ دینا چاہیے ، براہ مہربانی جلدی جواب دیں، میں بہت پریشاں ہوں۔

Published on: Jun 9, 2018

جواب # 161659

بسم الله الرحمن الرحيم


Fatwa:964-850/D=9/1439



منگنی ایک طرح کا وعدہ ہوتا ہے اگر آپ کو یقین ہے کہ لڑکی بدکردار نہیں ہے تو ماضی بعید کی کہانیوں اور لوگوں کے کہنے سننے کے ڈر سے اگر آپ رشتہ ختم کریں گے تو اس بات کی وجہ سے لڑکی کے کردار پر اور بھی لوگ انگلی اٹھائیں گے اور اسے مشکوک سمجھیں گے جس کی وجہ سے اسے دوسری جگہ رشتہ ملنے میں دشواری کا سامنا ہوگا اس پہلو کو بھی سامنے رکھیں اور اس سلسلے میں اپنے خیرخواہ معاملہ فہم کسی سمجھ دار شخص سے مشورہ کریں اور اس کے ساتھ ہی اللہ تعالیٰ سے استخارہ کریں، سات دن تک کریں پھر جس طرف قلب کا رجحان ہو اس کے مطابق عمل کریں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات