عنوان: بیوی كی بھانجی سے شادی كرنا؟

سوال: نوید کی شادی خالدہ سے ہوئی ہے ۔ اب نوید پہلی بیوی کے ہوتے ہوئے دوسری شادی اپنی بیوی خالدہ کی بھانجی یا بھتیجی سے کرسکتا ہے یا نہیں ؟ قرآن وحدیث کی روشنی میں وضاحت فرمائیں۔

جواب نمبر: 14881701-Sep-2020 : تاریخ اشاعت

بسم الله الرحمن الرحيم

Fatwa ID: 410-373/N=5/1438

خالدہ جب تک نوید کے نکاح میں ہے ،نوید اس کی سگی بھانجی یا سگی بھتیجی سے نکاح نہیں کرسکتا؛ کیوں کہ حدیث میں کسی عورت کے نکاح میں رہتے ہوئے اس کی بھتیجی یا بھانجی یا پھوپھی یا خالہ سے نکاح کرنے سے منع کیا گیا ہے ۔ عن أبي ھریرةقال: قال رسول اللہ صلی اللہ علیہ وسلم: ”لا یجمع بین المرأة وعمتھا ولا بین المرأة وخالتھا“ ، متفق علیہ (مشکاة المصابیح، کتاب النکاح، باب المحرمات، الفصل الأول، ص ۲۷۳، ط: المکتبة الأشرفیة دیوبند)، وعن أبي ھریرةأن رسول اللہ صلی اللہ علیہ وسلم نھی أن تنکح المرأة علی عمتھا أو العمة علی بنت أخیھا والمرأة علی خالتھا أو الخالة علی بنت أخیھا، لا تنکح الصغری علی الکبری ولا الکبری علی الصغری، رواہ الترمذي وأبو داود والدارمي والنسائي وروایتہ إلی قولہ: بنت أخیھا(المصدر السابق، الفصل الثاني، ص ۲۷۴)، وحرم الجمع بین المحارم نکاحاً أي: عقداً صحیحاً وعدة ……لحدیث مسلم: لا تنکح المرأة علی عمتھا، وھو مشھور یصلح مخصصاً للکتاب (الدر المختار مع رد المحتار، کتاب النکاح، فصل فی المحرمات، ص ۱۱۵- ۱۱۷، ط: مکتبة زکریا دیوبند)۔