معاشرت >> نکاح
سوال نمبر: 148466
جواب نمبر: 148466
بسم الله الرحمن الرحيم
Fatwa ID: 325-306/N=5/1438
مذہب اسلام میں نکاح کے لیے کم سے کم کوئی خاص عمر متعین نہیں کہ اس سے پہلے نکاح جائز نہ ہو؛ بلکہ بچہ کی پیدائش کے فورا بعد بھی اس کا نکاح ہوسکتا ہے؛ البتہ والدین کو بچے کے مصالح کی رعایت کے ساتھ مناسب عمر میں اس کا نکاح کرنا چاہیے ۔اور عیسائی اور یہودی مذہب دونوں اسلام کے بعد منسوخ ہوگئے ، ان پر عمل کرنا جائز نہیں رہا ؛ اس لیے حکم شرعی کے طور پر ان کا کوئی حکم جاننے اور معلوم کرنے کی کوشش لغو ہے اور اگر آپ محض علمی وتایخی طور پر جاننا چاہتے ہیں تو معلوم ہونا چاہیے کہ عیسائیت یا یہودیت کی طرف منسوب کسی چیز کو یقین کے ساتھ صحیح عیسائی یا یہودی مذہب کا حصہ کہنا درست نہیں جب تک قرآن کریم یا احادیث صحیحہ سے اس کی تائید نہ ہو؛ کیوں کہ یہودیوں اور عیسائیوں نے اپنے مذہب کی بہت سی چیزوں میں تحریف کردی ہے؛ اس لیے ان چیزوں کے پیچھے پڑنا بے ضرورت ہے۔
واللہ تعالیٰ اعلم
دارالافتاء،
دارالعلوم دیوبند