معاشرت >> نکاح
سوال نمبر: 147293
جواب نمبر: 147293
بسم الله الرحمن الرحيم
Fatwa ID: 255-238/N=8/1438
(۱): مناسب رشتہ کے لیے آپ روزانہ بعد نماز ظہر سورہ مزمل پڑھا کریں، انشاء اللہ جلد از جلد مناسب رشتہ مل جائے گا، اللہ تعالی آپ کو مناسب وبہتر رشتہ عطا فرمائیں۔
(۲):حلال روزی اور جائزومناسب ذریعہ معاش کے لیے آپ درج ذیل دعا روزانہ اول وآخر گیارہ گیارہ بار درود شریف کے ساتھ کم از کم تین سو مرتبہ پڑھا کریں اور یہ دعا پڑھتے وقت معنی ومفہوم کا بھی استحضار رہے تو بہت بہتر ہے: وہ دعا یہ ہے: اللّٰھُمَّ اکْفِنِيْ بِحَلَالِکَ عَنْ حَرَامِکَ وَأَغْنِنِيْ بِفَضْلِکَ عَمَّنْ سِوَاکَ ، ترجمہ:اے اللہ !مجھے حلال (روزی) عنایت فرماکر حرام (روزی) سے بچالیجئے اور اپنے علاوہ سب سے مستغنی اور بے نیاز کردیجئے۔ عن علي أنہ جاءہ مکاتب فقال: إني عجزت عن کتابتي فأعني، قال: ألا أعلمک کلمات علمنیھن رسول اللہ صلی اللہ علیہ وسلم، لو کان علیک مثل جبل کبیر دیناً أداہ اللہ عنک، قل:”اللھم اکفني بحلالک عن حرامک وأغننی بفضلک عمن سواک“، رواہ الترمذي والبیھقي فی الدعوات الکبیر (مشکاة المصابیح، باب الدعوات فی الأوقات، الفصل الثاني، ص ۲۱۵، ۲۱۶، ط: المکتبة الأشرفیة دیوبند) ۔
واللہ تعالیٰ اعلم
دارالافتاء،
دارالعلوم دیوبند