عبادات - جمعہ و عیدین

Pakistan

سوال # 8258

میرا سوال حج کے بارے میں ہے۔ اگر کوئی عورت حج کرنے جاتی ہے اور کسی بلڈنگ یا ہوٹل میں مکہ میں (بیت اللہ کے قریب) یا مدینہ میں (مسجد نبوی سے قریب)قیام کرتی ہے تو اس کو اپنی نماز ہوٹل کے کمرہ میں ادا کرنا بہتر ہے یا مسجد حرام یا مسجد نبوی (علیہ السلام) میں ادا کرنا بہتر ہے؟اسی طرح مردوں کے لیے کیا بہتر ہے؟ یہ عام دنوں کے بارے میں نیز جمعہ کی نماز کے بارے میں ہونا چاہیے۔ جلد جواب عنایت فرماویں کیوں کہ امسال ان شاء اللہ ہم حج بیت اللہ پر جارہے ہیں۔

Published on: Oct 25, 2008

جواب # 8258

بسم الله الرحمن الرحيم

فتوی: 1246/ب= 386/تب


 

ہوٹل کے کمرہ میں ادا کرنا بہتر ہے۔ اگر کسی حصہ میں عورتوں کا الگ سے انتظام ہے تو حرم میں بھی جاکر نماز ادا کرسکتی ہیں۔ مردوں کے لیے پانچوں وقت حرم میں جاکر باجماعت نماز ادا کرنا ضروری ہے۔ ہاں اگر کسی کو بیماری کمزوری کا عذر ہے تو اس کی بات الگ ہے۔ جمعہ بھی حرم میں جاکر جماعت کے ساتھ ادا کرنا چاہیے۔

واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات