Pakistan
سوال # 720
براہ کرم، مجھے درج ذیل سوال کا جواب عنایت فرمائیں۔
جمعہ کی نماز کی نیت کیسے کی جاتی ہے؟ فرض ہوگی یا واجب کی نیت ہوگی؟ جمعہ کے دن ظہر کے چار فرض کی کون سی نیت ہوگی؟
قضائے عمری نماز کی نیت کیسے کی جاتی ہے؟
قضائے عمری نماز کن اوقات میں نہیں پڑھتے ہیں؟
Published on: May 23, 2007
جواب # 720
بسم الله الرحمن الرحيم
(فتوى: 207/ل=207/ل)
(1) جمعہ کی نماز فرض ہے اس میں فرض کی نیت ہوگی۔ بدائع الصنائع میں ہے: أما الأول فالجمعة فرض... والدلیل علی فرضیة الجمعة الکتاب والسنة وإجماع الإمة (بدائع الصنائع: 1/577، ط زکریا دیوبند) زبان سے نیت کرنا ضروری نہیں۔ اگر کوئی شخص دل میں جمعہ پڑھنے کا ارادہ کرلے تب بھی نماز ہوجائے گی۔ البتہ اگر کوئی شخص زبان سے نیت کرنا چاہے تو اس طرح کرے ?میں جمعہ کی دو رکعت فرض نماز کی نیت کرتا ہوں واسطے اللہ کے پیچھے اس امام کے رخ میں کعبہ شریف کی طرف اللہ اکبر?.
(2) قضائے عمری کی نیت اس طرح کی جائے کہ میرے ذمہ جتنی ظہر کی نمازیں ہیں، ان میں سے پہلی یا پچھلی ادا کرتا ہوں، اسی طرح عصر و مغرب عشاء فجر میں نیت کرے ولو نوی أول ظہر علیہ أو آخر ظہر علیہ جاز وہذا ہو المخلص لمن لم یعرف الأوقات الفائتة أو اشتبہت علیہ وأراد التسہیل علی نفسہ (الأشباہ والنظائر: 1/60، ط دارالعلوم)
(3) تین وقتوں (طلوعِ آفتاب ونصف النہار و غروب آفتاب) میں قضائے عمری نہیں پڑھ سکتے، ثلث ساعات لا تجوز فیہا المکتوبة (عالم گیري: 1/52)
آپ کا بھانجہ آپ کی بیوی کا محرم نہیں ہے اس لیے آپ کی بیوی کا اس کے سامنے چہرہ کھولنا درست نہیں۔واللہ تعالیٰ اعلم
دارالافتاء،
دارالعلوم دیوبند
اس موضوع سے متعلق دیگر سوالات
میں حنفی المسلک ہوں۔ اگر کوئی شخص نماز جمعہ میں ایک رکعت ہوجانے کے بعد شریک ہوتا ہو، تو اسے کیا کرنا چاہیے؟ اگر کوئی شخص نماز جمعہ میں اس وقت شامل ہورہا ہو جب کہ امام قعدہ میں ہو ، تو اسے کیا کرنا چاہیے؟ اگر کوئی مسجد پہنچے اور معلوم ہو کہ جمعہ کی نماز ہوچکی ہے، تو اب وہ کیا کرے؟ کیا جمعہ کی نمازفوت ہوجانے کا کوئی کفارہ بھی ہے؟
میرا نام محمد عارف ہے اور میں حنفی ہوں ۔ میرا سوال عید کی نماز کے بارے میں ہے۔ ہمارے گاؤں میں چند لوگ ہیں جو کہتے ہیں کہ عید کی نماز مسجد میں نہیں ہوتی ہے۔ ہمارے گاؤں میں عید گاہ بھی نہیں ہے اور دو سالوں سے لوگوں نے ایک ایسی زمین پر عید کی نماز ادا کی جو وقف نہیں تھی۔ پوچھنا یہ ہے کہ کیا ان کی نماز ہوئی یا نہیں؟اگر ہوئی ہے تو آپ ہماری اس نماز کے بارے میں کیافرماتے ہیں جو ہم مسجد میں پڑھتے ہیں؟ براہ کرم،مجھے دونوں جگہوں کے بارے میں بتائیں۔ مجھے آپ کے جواب کا انتظار رہے گا۔
میں جمعہ کی نماز کے متعلق سوال کررہا ہوں۔ جمعہ کی فرض نماز کے بعد جو چار رکعت سنت نماز پڑھتے ہیں ان کو پڑھنے سے کیا ظہر کی نماز ادا ہوجاتی ہے؟ کیا ان کو پڑھنا ضروری ہے؟
جمعہ کی کل کتنی رکعت ہوتی ہے؟ رہ نمائی فرمائیں۔ میں شافعی المسلک ہوں۔
مختلف دنوں میں عید کی نماز پڑھنے کی وجہ کیاہے؟ کیا ہندستان سے باہر چاند کا نظر آنا قابل قبول نہیں ہے؟ جب کہ فتوی دارالعلوم جلد ۶/ صفحہ ۰۸۳/۵۸۳/۶۸۲/ پر ہے کہ پوری دنیا میں کہیں اگر چاند نظر آئے تو اس پر عمل کیا جائے گا۔
یہاں سعودی عرب میں کبھی کبھار کچھ مسجدوں میں جمعہ کی نماز ظہر کے وقت سے پہلے پڑھی جاتی ہے، مثال کے طورپر ظہر کاوقت سے 11:50 سے شروع ہوتاہے اور جمعہ کی نماز 11:45 اداکی جاتی ہے، کیا یہ صحیح ہے؟