عبادات >> جمعہ و عیدین
سوال نمبر: 43170
جواب نمبر: 43170
بسم الله الرحمن الرحيم
فتوی: 299-193/L=3/1434 (۱) جمعہ کی فرضیت جمہور کے قول کے مطابق ہجرت کے بعد مدینہ منورہ میں ہوئی، حافظ ابن حجر لکھتے ہیں: واختلف في فرضیتہا فالأکثر علی أنہا فرضت بالمدینة وہو مقتضی ما تقدم أن فرضیتہا بالآیة المذکورة وہي مدنیة إلخ (فتح الباري: ۲/۲۹۲، باب فض الجمعة) (۲) اسلام میں سب سے پہلے جمعہ باجماعت ہجرت سے پہلے مدینہ منورہ میں ادا کیا گیا۔ (عمدة القاری: ۶/۱۶۱) (۳) اس جمعہ کی امامت حضرت اسعد بن زرارہ رضی اللہ عنہ نے فرمائی تھی۔ (عمدة القاری: ۶/۱۶۱) اور جمعہ کی فرضیت کے بعد سب سے پہلا جمعہ حضرت مصعب بن عمیر کی امامت میں مدینہ منورہ ہی میں ادا کیا گیا۔ (شرح البخاری للحافظ ابن رجب: ۶/۳۲۷-۳۳۴)
واللہ تعالیٰ اعلم
دارالافتاء،
دارالعلوم دیوبند