عنوان:

کھیتوں کے بیچ غیرموقوفہ عیدگاہ میں نماز عید ادا کرنا؟

سوال:

عید کی نماز ایک ایسے اسکول میں پڑھنا کیسا ہے جو کھیتوں کے بیچ میں ہے اور وقف نہیں ہے؟ کچھ لوگ یہاں نماز عید کے جواز پر سوال کرتے ہیں۔ براہ کرم، اس کی وضاحت کریں۔

جواب نمبر: 283924-Oct-2023 : تاریخ اشاعت

بسم الله الرحمن الرحيم

فتوی: 101/ ج= 98/ ج

عیدین کے دوگانہ کو شہر سے باہر نکل کر ادا کرنا مسنون ہے، خواہ عیدگاہ میں ادا کیا جائے یا کسی اور میدان میں، سنت بہرحال ادا ہوجائے گی۔ سنت کے ادا ہونے کے لیے زمین کا عیدکی نماز کے لیے وقف ہونا ضروری نہیں۔ بعض لوگوں کا اسکول کے صحن میں ادا کی ہوئی نماز کے بارے میں جواز یا عدمِ جواز کا سوال اٹھانا مسائل کی ناواقفیت کی بنا پر ہے: ثم خروجہ إلی الجبایة وھي العام أي في الصحراء والواجب مطلق التوجة والخروج إلیہا سنة قال الشامي، أي لا التوجّہ إلی خصوص الجبایة (الشامي: ط زکریا دیوبند، ج۳ ص۴۹)