عنوان: نماز جمعہ کے بعد سلام نہیں پڑھنا چاہئے پر فتوی چاہتا ہوں ۔ براہ کرم، تفصیلی حوالے کے ساتھ جواب دیں۔

سوال: نماز جمعہ کے بعد سلام نہیں پڑھنا چاہئے پر فتوی چاہتا ہوں ۔ براہ کرم، تفصیلی حوالے کے ساتھ جواب دیں۔

جواب نمبر: 2299601-Sep-2020 : تاریخ اشاعت

بسم الله الرحمن الرحيم

فتوی(ھ):1206=915-6/1431

صلاة وسلام کے جو صیغے حضرت نبی اکرم صلی اللہ تعالیٰ علیہ وسلم کی زبان مبارک سے نکلے ، ان کو حرزِ جان بنانا ان کو جمعہ سے پہلے یا بعدجمعہ یا کسی اور مناسب وقت میں یکسوئی کے ساتھ اپنے اپنے گھروں میں پڑھنے بلکہ کثرت سے پڑھتے رہنے کا اہتمام رکھنا بلاشبہ انتہائی مستحسن عمل ہے، اس کے خلاف بعض لوگوں نے ہندوستان میں ایک نیا طریقہ ایجاد کیا ہے کہ رطب ویابس مضمون پر مشتمل اشعار مل کر گاتے ہیں اور اس کا نام سلام رکھ لیا ہے، یہ طریقہ قرآنِ کریم حدیث شریف اور حضرات اولیاء اللہ رحمہم اللہ تعالیٰ رحمة واسعہ سے کہیں ثابت نہیں، پس یہ طریقہ لائق ترک ہے۔