عبادات >> جمعہ و عیدین
سوال نمبر: 174086
جواب نمبر: 174086
بسم الله الرحمن الرحيم
Fatwa : 219-235/H=03/1441
جمعہ کے خطبے کا صحیح طریقہ یہی ہے کہ دو خطبے دیے جائیں اور دونوں خطبوں کے درمیان تھوڑی دیر بیٹھا جائے، آپ صلی اللہ علیہ وسلم اسی طریقے سے خطبہ دیا کرتے تھے چنانچہ صحیح بخاری میں ہے عن ابن عمر - رضي اللہ عنہما - قال: کان النبي - صلی اللہ علیہ وسلم - یخطب قائماً ثم یقعد ثم یقوم کما تفعلون الآن (رقم الحدیث: ۹۲۰، ط: البشریٰ بیروت) (ابن عمر سے مروی ہے کہ آپ صلی اللہ علیہ وسلم کھڑے ہوکر خطبہ دیتے تھے، پھر بیٹھ جاتے تھے، پھر کھڑے ہوتے تھے جیسا کہ تم لوگ آج کرتے ہو) اور بھی دیگر کتب حدیث میں آپ صلی اللہ علیہ وسلم کے خطبہ دینے کا یہی طریقہ بیان کیا گیا، اور اگر مختصر خطبہ دینا مقصود ہو تو دونوں خطبوں کو مختصر کیا جائے؛ البتہ اختصار کی وجہ سے دونوں خطبوں کے درمیان بیٹھنا نہ چھوڑا جائے۔
واللہ تعالیٰ اعلم
دارالافتاء،
دارالعلوم دیوبند