عبادات - جمعہ و عیدین

India

سوال # 160861

ہمارے شہر میں خصوصاً نوجوان ائماء کا رجحان خطبئہ جمعہ کو لیکر ایسا ہوگیا ہے کہ وہ یوٹیوب یا کسی اور ویب سائٹ سے کوئی بزرگ عالم کا برسوں قبل دیا ہوا خطبہ ڈاؤن لوڈ کرتے ہیں پھر اسے رٹ کر یاد کر لیتے ہیں اور جمعہ میں بڑے اہتمام سے ترنم کے ساتھ پڑھ لیتے ہیں اور خوب واہ واہ حاصل کرتے ہیں موجودہ حالات کو مد نظر رکھتے ہوئے خطبہ دینے کی زحمت بلکہ کوشش بھی نہیں کرتے ۔ سوال یہ کہ خطبئہ جمعہ کا مقصد کیا ہے کیا ایسا کرنے سے اس کا مقصد فوت نہیں ہو جاتا اس تعلق سے رہنمائی فرمائیں۔

Published on: May 6, 2018

جواب # 160861

بسم الله الرحمن الرحيم


Fatwa:987-848/sd=8/1439



جمعہ کے خطبے کا مقصد اللہ تعالی کی حمد و ثنا و غیرہ کرنا ہے ؛ اسی لیے خطبہ عربی زبان میں دیا جاتا ہے ، صحابہ کرام نے عجمیوں کے سامنے عربی زبان میں خطبہ دیا ، اور عجمی عربی نہیں جانتے تھے ، حالانکہ اسلام ابتدائی حالت میں تھا اور وقت کا تقاضا تھا کہ خطبہ سامعین کی زبان میں دیا جائے اور اسلام کی حقانیت اور باطل سے نفرت خطبہ میں بیان کی جائے ؛ لیکن خطبہ سے یہ مقصد حاصل نہیں کیا گیا ، اس سے معلوم ہوا کہ خطبہ کی مشروعیت کا مقصد مخاطب کو وعظ و نصیحت کرنا ، حالات حاضرہ پر بات کرنا نہیں ہے ، لہذا ائمہ کے بارے میں آپ کا مذکورہ اعتراض صحیح نہیں ہے ، البتہ خطبہ میں ایسا ترنم جو بتکلف ہو قابل احتراز ہے اور خطبہ مسنونہ کا پڑھنا زیادہ بہتر ہے۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات