India
سوال # 14412
کیا
فرماتے ہیں علمائے کرام اور مفتیان کرام مندرجہ ذیل مسئلہ کے بارے میں ایک مسجد
میں جمعہ کے دن جہاں امام صاحب کی تقریر ہورہی تھی ایک صاحب دورانِ تقریر اس
اجتماعی عمل سے ہٹ کر قرآن کریم کی تلاوت کررہے تھے۔ ان کو روکنے پر انھوں نے کہا
کہ اردو تقریر کا کوئی ثبوت نہیں ہے اور نہ ہی اس کا کوئی فائدہ۔ اس لیے تقریر
سننے کے مقابل قرآن پڑھنا افضل ہے۔ کیا یہ بات صحیح ہے؟ اگر نہیں، تو دوران تقریر
قرآن پڑھنا کیسا ہے او راجتماعی عمل سے ہٹ کر قرآن پڑھنا کیسا ہے؟ شریعت کا حکم
واضح فرماویں۔
Published on: Jul 14, 2009
جواب # 14412
بسم الله الرحمن الرحيم
فتوی:
1042=/847/ل
نمازی
حضرات اگر رضامند ہوں تو اذان ثانی سے پہلے ضروری مسائل اور دینی احکام مختصراً
بیان کرنے میں کوئی حرج نہیں ہے بلکہ صحابہٴ کرام کے عمل سے ثابت ہے، حضرت
ابوہریرہ رضی اللہ عنہ جمعہ کے روز خطبہ سے پہلے منبر کے قریب کھڑے ہوکر احادیث
بیان فرمایا کرتے تھے، اس کے بعد سیدنا عمر بن الخطاب رضی اللہ عنہ خطبہ فرماتے
تھے (مستدرک حاکم) اس لیے اگر کوئی عالم جمعہ کی نماز سے پہلے ضروری احکام بیان
کرے تو اس وقت تلاوت قرآن کو موقوف کرکے تقریر و وعظ سننا افضل ومستحسن ہے، واضح
رہے کہ جمعہ کے دن خطبہ سے پہلے تقریر و وعظ کہنا اسی وقت درست ہے جب کہ لوگ نماز
میں مشغول نہ ہوں، ورنہ جائز نہیں۔
واللہ تعالیٰ اعلم
دارالافتاء،
دارالعلوم دیوبند
اس موضوع سے متعلق دیگر سوالات
میں حنفی المسلک ہوں۔ اگر کوئی شخص نماز جمعہ میں ایک رکعت ہوجانے کے بعد شریک ہوتا ہو، تو اسے کیا کرنا چاہیے؟ اگر کوئی شخص نماز جمعہ میں اس وقت شامل ہورہا ہو جب کہ امام قعدہ میں ہو ، تو اسے کیا کرنا چاہیے؟ اگر کوئی مسجد پہنچے اور معلوم ہو کہ جمعہ کی نماز ہوچکی ہے، تو اب وہ کیا کرے؟ کیا جمعہ کی نمازفوت ہوجانے کا کوئی کفارہ بھی ہے؟
جمعہ کی نماز کی نیت کیسے کی جاتی ہے؟ فرض ہوگی یا واجب کی نیت ہوگی؟ جمعہ کے دن ظہر کے چار فرض کی کون سی نیت ہوگی؟
قضائے عمری نماز کی نیت کیسے کی جاتی ہے؟ قضائے عمری نماز کن اوقات میں نہیں پڑھتے ہیں؟
میرا نام محمد عارف ہے اور میں حنفی ہوں ۔ میرا سوال عید کی نماز کے بارے میں ہے۔ ہمارے گاؤں میں چند لوگ ہیں جو کہتے ہیں کہ عید کی نماز مسجد میں نہیں ہوتی ہے۔ ہمارے گاؤں میں عید گاہ بھی نہیں ہے اور دو سالوں سے لوگوں نے ایک ایسی زمین پر عید کی نماز ادا کی جو وقف نہیں تھی۔ پوچھنا یہ ہے کہ کیا ان کی نماز ہوئی یا نہیں؟اگر ہوئی ہے تو آپ ہماری اس نماز کے بارے میں کیافرماتے ہیں جو ہم مسجد میں پڑھتے ہیں؟ براہ کرم،مجھے دونوں جگہوں کے بارے میں بتائیں۔ مجھے آپ کے جواب کا انتظار رہے گا۔
میں جمعہ کی نماز کے متعلق سوال کررہا ہوں۔ جمعہ کی فرض نماز کے بعد جو چار رکعت سنت نماز پڑھتے ہیں ان کو پڑھنے سے کیا ظہر کی نماز ادا ہوجاتی ہے؟ کیا ان کو پڑھنا ضروری ہے؟
جمعہ کی کل کتنی رکعت ہوتی ہے؟ رہ نمائی فرمائیں۔ میں شافعی المسلک ہوں۔
مختلف دنوں میں عید کی نماز پڑھنے کی وجہ کیاہے؟ کیا ہندستان سے باہر چاند کا نظر آنا قابل قبول نہیں ہے؟ جب کہ فتوی دارالعلوم جلد ۶/ صفحہ ۰۸۳/۵۸۳/۶۸۲/ پر ہے کہ پوری دنیا میں کہیں اگر چاند نظر آئے تو اس پر عمل کیا جائے گا۔