عقائد و ایمانیات - اسلامی عقائد

Pakistan

سوال # 2600

کیا السلام علیک ایھاالنبی نمازکے علاوہ دوسرے وقت میں بھی کہہ سکتے ہیں؟

Published on: Feb 2, 2008

جواب # 2600

بسم الله الرحمن الرحيم

فتوی: 764/ ل= 748/ ل


 


نماز یا روضہ اقدس پر حاضری کے علاوہ دوسرے وقت میں صیغہٴ خطاب کے ساتھ صلاة و سلام پڑھنے میں تفصیل یہ ہے کہ اگر اس ارادہ سے پڑھاجائے کہ آپ علیہ السلام حاضر و ناظر ہیں اور اس کو سن رہے ہیں یہ ناجائز ہے، لیکن اگر یہ ارادہ نہ ہو بلکہ جس طرح شعراء خطاب کرتے ہیں اپنے محبوب کے بیان کے وقت ، ان کا یہ خیال نہیں ہوتا کہ میرا محبوب حاضل ہے، بلکہ وہ ذہناً اس کو حاضر مان کر اس کو اس طرح خطاب کرتے ہیں تو یہ شکل جائز ہے، اسی طرح اگر اس کا یہ عقیدہ ہو کہ فرشتے اس سلام کو پہنچادیں گے تو اس عقیدہ سے بھی اس طرح پڑھنا درست ہے۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات