عقائد و ایمانیات - اسلامی عقائد

United Kingdom

سوال # 2491

کیا مزار وں پر جاکر مسلم صوفی یابزرگ سے مدد مانگنا جائزہے؟

Published on: Sep 22, 2007

جواب # 2491

بسم الله الرحمن الرحيم

فتوی: 874/874=ج


 


کسی بزرگ کے مزار پر جاکر اس سے مدد مانگنا کہ میرا فلاں کلام کردیجیے، میں بے اولاد ہوں، مجھے اولاد دیدیجیے، میں بے روزگار ہوں، مجھے روزگار عنایت کردیجیے، وغیرہ ہرگز جائز نہیں، بلکہ یہ بالاتفاق حرام و ناجائز اور شرک ہے۔ ایسی استعانت اللہ کے علاوہ کسی سے جائز نہیں۔ اور اگر مدد مانگنے سے آپ کی مراد یہ نہ ہو بلکہ یہ ہو کہ مزار والے سے کہے کہ اے فلاں آپ میرے لیے اللہ سے یہ دعا کردیجیے کہ اللہ میرا فلاں کام کردے تو اس میں اختلاف ہے، اور یہ اختلاف سماع موتی کے اختلاف پر مبنی ہے، جو لوگ سماع موتی کے قائل ہیں ان کے نزدیک جائز و درست ہے، اورجو لوگ سماع موتی کے منکر ہیں ان کے نزدیک ناجائز ہے، احوط یہ ہے کہ مزار والے سے اس طرح کی بھی مدد نہ مانگے۔ 


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات