عقائد و ایمانیات - اسلامی عقائد

india

سوال # 173141

کیا مرحومین کی طرف سے قبر اطہر میں سلام پیش کر سکتے ہیں میری بیوی میرے ساتھ حج کا ارادہ کی تھی اب وہ انتقال کرگئیں کیا میں ان کی طرف سے قبر اطہر میں سلام پیش کرسکتا ہوں؟ برائے کرم جواب جلدی دیں۔

Published on: Oct 21, 2019

جواب # 173141

بسم الله الرحمن الرحيم


Fatwa:13-58/sn=2/1441



(الف)اگر کوئی شخص قبل وفات سلام پیش کرنے کی وصیت کر جائے تب تو اس کی طرف سے سلام پیش کرنے میں کوئی حرج نہیں؛ لیکن اگراس نے یعنی وفات پانے والے شخص نے سلام پیش کرنے کے لیے کہا نہیں تھا تو پھر تبرّعًا سلام پیش کرنے کی نظیر نہیں ملتی؛ اس لیے مرحومہ کی طرف سے آپ سلام پیش نہ کریں؛ ہاں آپ اللہ کے رسولﷺ کی خدمت میں ان کے حق میں دعا کی درخواست کرسکتے ہیں مثلا یہ کہہ سکتے ہیں اے اللہ کے رسول! آپ پر سلامتی ہو، میری بیوی آپ کی خدمت میں حاضر ہوکرسلام پیش کرنا چاہتی تھی؛ لیکن یہ آرزو پوری ہونے سے پہلے ہی وہ اللہ کو پیاری ہوگئی ، آپ اس کے حق میں بارگاہ ایزدی میں مغفرت کی دعا کردیں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات