عقائد و ایمانیات - اسلامی عقائد

india

سوال # 170861

ابو طالب آپ صلی کے چچا کے بارے میں سوال ہے کہ ان کو جہنم میں آگ کا جوتا پہنایا جا ئے گا یعنی سب سے ہلکا عذاب ہوگا ابو طالب کو اور ایک مومن بدکار کو اوندھے منھ جہنم میں ڈال دیا جا ئے گا۔ ایسا کیوں ہے ؟جب کہ ایک مومن کے پاس ایمان بھی ہے اس کے باوجود اگر بدکار ریا کار ہے تو پورا جہنم میں ڈالدیا جائیگا اور ابو طالب کو کیوں صرف آگ کی جوتی ڈالی جائے گی اورکیوں سب سے ہلکا عذاب دیا جائیگا ایمان بھی نہیں تھا ابو طالب کے پاس؟

Published on: Jun 25, 2019

جواب # 170861

بسم الله الرحمن الرحيم


Fatwa : 918-828/M=09/1440



اللہ تعالیٰ قادر مطلق اور مالک الملک ہے، وہ جس کو چاہے جیسا عذاب دے اُسے کلی اختیار ہے مالک کو اپنی ملکیت میں ہر تصرف کا حق ہوتا ہے، کسی کو اعتراض کرنے کا کوئی حق نہیں۔ ایک موٴمن بدکار کو اوندھے منہ جہنم میں ڈالنے کی صورت و کیفیت کیا ہوگی؟ اس کی تفصیل بھی معلوم نہیں، بہرحال عاصی موٴمن کو جہنم کی سزا دائمی نہیں ہے وہ اپنے ایمان کی وجہ سے ایک نہ ایک دن ضرور جہنم سے نکالا جائے گا۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات