عقائد و ایمانیات >> اسلامی عقائد
سوال نمبر: 159493
جواب نمبر: 159493
بسم الله الرحمن الرحيم
Fatwa:732-676/sd=7/1439
(۱، ۲) انسان اس دنیا میں جو کچھ کرتا ہے ، وہ اللہ کی طرف سے مقدر ہے ؛محنت ومشقت کے نتائج بھی اللہ کی طرف سے مقدر ہیں ، یعنی اللہ تعالی کا یہ بھی ضابطہ ہے کہ جو شخص محنت و کوشش زیادہ کرتا ہے ، اس کا فائدہ بھی اس کو حاصل ہوتا ہے ، یہ خیال غلط ہے کہ جو نصیب میں ہوگا ، وہ مل جائے گا ، لہذا محنت کرنے کی ضرورت نہیں ہے ،کام کا اچھا ہونامحنت کرنے پر موقوف ہوتا ہے اور یہ بھی اللہ کی طرف سے مقدر ہوتا ہے ، لہذا اس کو تقدیر سے الگ کر نا صحیح نہیں ہے ، بندے کو اللہ تعالی نے محنت وکوشش کا مکلف بنایا ہے اور نتائج کا ظاہر ہونا اللہ تعالی کی مشیت و قدرت سے متعلق ہے ، اس مسئلے میں زیادہ غور و فکر نہیں کرنا چاہیے ، اپنے کام میں لگنا چاہیے ۔(۳) جی ہاں ! زکات دینے سے کاروبار میں خیر وبرکت ہوتی ہے ۔
واللہ تعالیٰ اعلم
دارالافتاء،
دارالعلوم دیوبند