• معاملات >> سود و انشورنس

    سوال نمبر: 167120

    عنوان: كار خریدنے كے لیے وسعت كے باوجود بینك سے لون لینا؟

    سوال: کار لون پہ خرید کیسا ہے ؟ صورت یہ ہے کہ اگر کیش میں خریدئے تو ٹیکسٹ بہت زیادہ ہے اور ایک بات ہے کہ اگر ٹرانسکشن{ لین دین} زیادہ ہو نیکی وجہ سے یا کسی اور وجہ سے اکاؤنٹ بلاک ہوجائے توچھڑانے میں آسان ہو جاتا ہے ۔

    جواب نمبر: 167120

    بسم الله الرحمن الرحيم

    Fatwa : 407-395/B=04/1440

    اگر آپ کے پاس اتنے پیسے ہیں کہ آپ نقد گاڑی خرید سکتے ہیں لیکن آپ کے اوپر حکومت کی طرف سے بھاری ٹیکس لاگو ہو جائے گا تو اس ٹیکس سے بچنے کے لئے یعنی دفع ظلم کے لئے بینک سے لون لے سکتے ہیں اور اگر آپ کے پاس پیسے کم ہیں آپ گاڑی خریدنے کی استطاعت نہیں رکھتے تو آپ کے لئے بینک سے لون لینا جائز نہیں۔ آپ کم پیسوں کی کوئی سکنڈ ہینڈ گاڑی خرید لیں آپ کو بینک سے لون لینا جائز نہ ہوگا۔ آگے جو آپ نے ایک بات یہ ہے کے بعد لکھا ہے اس کی صحیح صورت ہماری سمجھ میں نہیں آتی۔


    واللہ تعالیٰ اعلم


    دارالافتاء،
    دارالعلوم دیوبند