عنوان: افطار میں غیرمسلموں كو شریك كرنا

سوال: رمضان کے مہینے میں ہمارے یہاں یہ رواج ہے کہ کچھ لوگ افطار کے لئے چندہ کرتے ہیں اور روزہ دار و غیر روزہدار سب کو افطار کی دعوت دی جاتی ہے، یہاں تک کہ غیر مسلمو ں کو بھی دعوت دی جاتی ہے، تو کیا یہ جائز ہے ؟

جواب نمبر: 4118531-Aug-2020 : تاریخ اشاعت

بسم الله الرحمن الرحيم

فتوی: 834-844/N=10/1433 افطار کرانا دینی عمل ہے، اس کے لیے مختلف لوگوں -جن میں بعض مرتبہ بعض لوگ غیرم مستطیع بھی ہوتے ہیں- سے چندہ کرنا، اور دعوت افطار میں غیر روزہ دار لوگوں بالخصوص غیرمسلموں اور ان لوگوں کو بھی مدعو کرنا جو استطاعت اور قدرت کے باوجود روزہ نہیں رکھتے ہیں، حالانکہ افطار کا وقت قبولیت دعا کا وقت ہوتا ہے، نہایت نامناسب امور ہیں، اس لیے آپ کے یہاں کی مروجہ دعوت افطار قابل ترک واحتراز ہے، چندہ کرنا اس کے لیے جائز نہیں۔