عقائد و ایمانیات - بدعات و رسوم

Pakistan

سوال # 168183

مفتیان کرام کی خدمت میں عرض ہے کہ ہمارے علاقے میں قادری سلسلہ کے بزرگ ہیں حضرت لاہوری رحمة اللہ علیہ کے خلیفہ کے خلیفہ ہیں انکا فرمانا ہے کہ ان کے ان کے شیخ و مرشد نے ان کو فرمایا تھا کہ ہر مہینے کے پہلے جمعہ کے دن آیت کریمہ لاکھ نکالا کریں، اب یہان کافی عرصہ سے اں بزرگ شخصیت کی مسجد میں اس عمل کا التزام ہوتا ا رہا ہے کافی لوگ جمع ہوتے ہیں یہاں تک کے لوگ ایک دوسرے کو دعوت دیتے ہیں وہ بزرگ بہی خود لوگوں کو فرماتے ہیں کے ایت کریمہ کا اھتمام کریں اور کافی علماء بھی ایت کریمہ پر اتے ہیں، اب مسئلہ یہ پیش ا رہا ہے کے کچہ اپنے دیوبندی علماء ہی اسکی مخالفت کر رہے ہیں اور انکا فرمانا ہے کہ یے بدعت ہے . اب اس میں ہمارے مرکز یعنی کے مفتیان کرام کا کیا مؤقف ہے ؟

Published on: Feb 18, 2019

جواب # 168183

بسم الله الرحمن الرحيم


Fatwa:495-435/sn=6/1440



 ہر مہینے کے پہلے جمعہ کو آیت کریمہ کے ورد کی کوئی خصوصی فضیلت آئی ہو اس طرح کی کوئی روایت کتب حدیث میں نہیں ملتی ؛ اس لئے اس عمل کو مسنون تو نہیں کہا جاسکتا؛ ہاں بزرگوں کے معمول کے طور پر کیا جا سکتا ہے ؛ لیکن اس کے لئے تداعی کے ساتھ جو اہتمام کیا جاتا ہے یہ امر قابل ترک ہے ، اس طرح کا التزام بدعت کا پیش خیمہ بن جاتا ہے ؛ اس لئے اس سے احتیاط چاہے ۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات