عقائد و ایمانیات - بدعات و رسوم

New Zealand

سوال # 161748

کیا اگر کوئی کیک بناتا ہو اور تو قسم قسم کے آرڈر یا پیشکشیں آتی ہوں تو کیا برتھ ڈے یعنی سال گرہ کے کیک بنانا کیسا ہے؟ اور اگر کسی نے دعوت کی اور سال گرہ کا کیک دیا تو کیسا ہے اس کو کھانا؟
مدلل اور مفصل کلام فرمائیں۔

Published on: May 27, 2018

جواب # 161748

بسم الله الرحمن الرحيم


Fatwa : 974-860/D=9/1439



سالگرہ منانا اسلام میں نہیں ہے یہ عیسائیوں کا طریقہ ہے بطور رسم کے کسی مسلمان کا منانا اور مروجہ آداب و رسوم کو بجا لانا کراہت سے خالی نہیں اور بسااوقات ایسی تقریبات میں منکرات اور غیر شرعی امور بھی پائے جاتے ہیں اس لئے اس سے اجتناب چاہئے۔



دکاندار کا اس مقصد کے لئے کیک بنانا گناہ تو نہیں البتہ احتیاط بہتر ہے اسی طرح جسے سالگرہ کاکیک دیا گیا اس کے لئے کھانا گناہ نہیں لیکن رسوم سے مجتنب شخص کے لئے نہ کھانے میں احتیاط ہے۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات