عقائد و ایمانیات - بدعات و رسوم

India

سوال # 11463

آپ سب سے یہ معلوم کرنا ہے کہ جب اعلی حضرت نے حضرت محمد صلی اللہ علیہ وسلم کی تاریخ پیدائش ۸/ربیع الاول اور تاریخ وفات ۱۲/ربیع الاول لکھی ہے جو انھوں نے پوری تصدیق کے ساتھ لکھی ہے تو ہم ۱۲/ربیع الاول کو جو آپ صلی اللہ علیہ وسلم کی تاریخ وفات ہے جشن عید میلاد النبی صلی اللہ علیہ وسلم کیوں مناتے ہیں؟

Published on: Apr 12, 2009

جواب # 11463

بسم الله الرحمن الرحيم

فتوی: 515=381/ل


 


اس رسم (عید میلاد النبی) کو جاری ہوئے ابھی سو سال کا عرصہ تقریباً ہوا ہے، شریعت مطہرہ میں اس عید کا وجود ہی نہیں، نیز اب اس رسم میں بہت سی خرافات داخل ہوگئی ہیں جو حضرت سید الاولین والآخرین احمد مجتبیٰ محمد مصطفی صلی اللہ علیہ وسلم کی تعلیمات وہدایات کے سراسر خلاف ہیں، اس لیے ناجائز ہے جو لوگ جشن عیدمیلاد النبی صلی اللہ علیہ وسلم مناتے ہیں، آپ ان سے یہ سوال کریں، ہم نہ یہ جشن مناتے ہیں اور نہ اس کی اجازت دیتے ہیں۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات