عقائد و ایمانیات - بدعات و رسوم

India

سوال # 10394

شیرینی نیاز اورفاتحہ جو ہم کرتے ہیں کیا وہ قرآن اور حدیث سے ثابت ہوتا ہے اگر حوالہ ملتا ہے تو مجھے بھیجیں، اگر نہیں ملتا ہے تو مسلمان کیوں کرتے ہیں یہ بھی بتائیں؟

Published on: Jan 28, 2009

جواب # 10394

بسم الله الرحمن الرحيم

فتوی: 121=163/ ھ


 


شیرینی نیاز، فاتحہ میں معلوم نہیں کہ آپ کیا کیا کرتے ہیں؟ اس سلسلہ میں جو امور از قبیل رسم و رواج اور لوازمات انجام دیئے جاتے ہیں ان کا ثبوت تو قرآنِ کریم حدیث شریف میں نہیں ملتا باقی بغیر کسی التزام مالا یلزم اور بلا پابندئ رسم و رواج کوئی شخص حسب موقعہ اخلاص سے قرآن شریف کی تلاوت درودِ پاک نوافل پڑھ کر کسی کو ثواب پہنچادے، کبھی کبھار خوشی میں شیرینی بانٹ دے، غرباء فقراء و مساکین محتاجوں کی ضرورت ایسے انداز سے کردیا کرے کہ دوسروں پر اس کو ظاہر نہ کرے، الغرض اللہ تعالیٰ کی رضا کی خاطر کوئی نیک کام کرکے یہ نیت کرلینا کہ یا اللہ اس کا ثواب فلاں فلاں کو پہنچادے، یہ ثابت ہے ، فتح القدیر کی کتاب الحج میں اس پر بسط و شرح سے بدلائل کلام کیا گیا ہے، فتاویٰ بزازیہ فتاویٰ شامی وغیرہ میں یہی بحث ہے۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات