متعلقہ سوالات

تین ماہ پہلے میرے والد صاحب کا انتقال ہواہے۔ انھوں نے اپنی ڈائری میں تحریری طور پر ذکر کیا ہے کہ ان کی تمام پراپرٹی مزید نقدی ان کی چاروں لڑکیوں (میری بہنوں) کے درمیان تقسیم کی جائے گی۔ میری ماں کادس سال پہلے ہی انتقال ہوچکا ہے ۔ پس ماندگان میں میں اور میری چار بہنیں ہیں۔ میری تمام بہنیں مشترکہ طور پر راضی ہوگئی ہیں اور مجھ سے زبانی طور پر کہاہے کہ والد صاحب کی تمام پراپرٹی اور نقد ی میرے لیے ہے اور وہ کسی بھی چیز کا دعوی نہ کرنے پر راضی ہوگئی ہیں۔کیا مجھ کو اپنی بہنوں کو حصہ دینا ہوگا، اگر دینا ہوگا تو کتنا دینا ہوگا؟

میری عمر تیس سال اورمیرے بھائی کی چھبیس سال ہے۔ میرے والد نے میری ماں کو چھبیس سال پہلے طلاق دے دیا تھا۔ میرے والد صاحب ایک ٹیچر تھے، وہ 2007میں ریٹائر ہوچکے ہیں۔ انھوں نے دوسری شادی کرلی۔ اس سے ان کا ایک لڑکا ہے۔ ہم دونوں بھائی شادی کے وقت سے اپنی ماں کے ساتھ ہیں۔ والدہ نے دوسری شادی نہیں کی۔ اب میرے والد صاحب حج کرنے جارہے ہیں۔ اب میرا سوال یہ ہے کہ (الف)اس پراپر ٹی کا کیا حصہ ہوگا جو کہ ہم کو ان سے ملے گی؟ (ب)میرے والدنے ہم کوہماری پیدائش سے لے اب تک صرف پچہتر ہزار دیا ہے ۔ اب جب ہم گہرائی میں جاتے ہیں تو ہماری ماں اور رشتہ داروں نے ہماری تعلیم اور دوسرے روزانہ کے اخراجات پر لاکھوں روپئے خرچ کئے۔ میرے والدنے کبھی بھی ہماری کوئی فکر نہیں کی۔ میں بھی اس بات کا 1992سے گواہ ہوں ۔میرے والد نے اپنی نوکری کے درمیان تقریباً تیس لاکھ روپئے کمائے ہیں۔ اس میں سے ہمارا کیا حصہ ہوگا؟ امید ہے کہ آپ ان تکلیفوں اورپریشانیوں کو سمجھ رہے ہوں گے جو کہ ہم دونوں بھائی اپنی ماں کے طلاق کے وقت سے جھیل رہے ہیں۔

كیا جی پی فنڈ میں دوسرے بھائیوں كا بھی حق ہے؟

ایک شخص کا انتقال ہوا اس نے اپنے پیچھے درج ذیل رشتہ دار چھوڑے: (۱)ایک بیوی، (۲)ایک شادی شدہ لڑکا اورایک بہو، (۳)دو لڑکیاں ایک شادی شدہ ایک لڑکی کے ساتھ اور دوسری غیر شادی شدہ، (۴)تین شادی شدہ بہنیں، (۵)ایک خالہ اور اس کی ایک شادی شدہ لڑکی، (۶)ایک بڑا چچا زاد بھائی اور اس کی بیوی۔ برائے کرم مجھے بتائیں کہ اوپر مذکور لوگوں کے درمیان اس کی جائداد کیسے تقسیم کی جائے گی؟

میرے شوہر نے پندرہ سال پہلے دو لاکھ روپیہ میں ایک فلیٹ خریدا جس میں ستر ہزار قرض لے کر دیا۔ دو سال بعد میری ساس نے اپنا ذاتی فلیٹ اس شخص کو دے دیا جس نے میرے شوہر کو قرض دیا تھا لیکن کبھی انھوں نے ستر ہزار کا تقاضہ نہیں کیا۔ دس سال کے بعد ساس کا انتقال ہوگیا تو کیا اب میرے شوہر کو ستر ہزار وارثوں کو دینا ہوگا؟

والدین بقید حیات ہونے کی صورت میں باقی بھائیوں کے خرید کئے ہوئے پلاٹ سے کیا حصہ ملے گا؟

 جائداد کی تقسیم میں دادی کو کچھ کم حصہ ملا تو یہ کمی اس کے سارے وارثین (چھ بیٹے اور تین بیٹیاں) مل کر پوری کریں یا کوئی ایک وارث( بیٹا) پوری کمی دور کرسکتاہے؟ کیوں کہ کوئی اور وارث اس کمی کی بھرپائی اپنے حصہ میں سے دینے کو تیار نہیں ہے، جب کہ کمی پوری کرنے والا اکیلا بیٹا اپنے بیٹوں (دادی کے پوتوں) کو کہتاہے کہ میں تمہارے حصہ میں سے دادی کو دے رہا ہوں جس سے اس کی کمی پوری ہو جائے گی، اور صرف تین میں سے ایک ہی بیٹے کو ایسا کہا۔ تو کیا ایسا کرنا صحیح ہے؟ کیا یہ اپنے بیٹوں کا حق مار کے اپنی ماں کو حصہ دینا نہیں ہوا ،یا پھر دین کی روشنی میں ایسا کرنا کیسا ہے؟ برائے کرم رہنمائی کریں۔

شریعت کے حوالہ سے مجھے جانناہے کہ زمین میں بیٹی کا حق بیٹوں کے برابر ہوسکتا ہے یا نہیں؟ کیا بیٹوں کے مقابلے آدھا اور پیچھے کا کمتر حصہ لینے کا حکم ہے شریعت میں ؟

زید کے ایک بیٹا اور تین بیٹیاں ہیں۔ زید نے ملکی قانونی کارروائی سے بچنے کے لیے اپنی تمام جائیداد اپنے اکلوتے بیٹے کے نام گفٹ کردی۔ اس پر زید کی بیٹیوں نے اپنے والد صاحب سے کہا کہ آپ نے تمام جائیداد بھائی کے نام گفٹ کردی ہے کیا اس میں ہمارا کوئی حصہ نہیں ہے۔ جس پر والد صاحب نے کہا کہ میں نے یہ کام صرف قانونی کارروائی کے لیے کیا ہے، جائیداد میں تم سب برابر کے حصے دار ہو۔ زید کے انتقال کے بعد بھائی نے اپنی بہنوں سے کہا کہ والد صاحب نے تمام جائیداد میرے نام گفٹ کردی اور اس جائیداد میں اب تمھارا کوئی حصہ نہیں ہے۔ آپ سے گزارش ہے کہ بتائیے۔ جو جائیداد قانونی کارروائی سے بچنے کے لیے کسی ایک کے نام گفٹ کردی جائے تو باقی حصہ داروں کا اس میں کوئی حصہ نہیں ہوتا ہے؟ شریعت کے طابق اس کا جواب بتائیے۔