معاملات - وراثت ووصیت

India

سوال # 155272

حضرت، میری والدہ کا انتقال ہو چکا ہے، والدہ کو ان کے والد (میرے نانا) نے اپنی زندگی میں ہی ۶/ بیگہا زمین دے کر قبضہ دخل دے دیا تھا، میرے والد، نانا اور نانی کا انتقال والدہ سے پہلے ہو چکا ہے۔ ہم لوگ تین بھائی (عبد الحنان، عبد المنان، عبد الدیان) اور تین بہنیں (فرحانہ، فرزانہ، فرقانہ) تھیں جس میں سے میری ایک بہن فرقانہ کا انتقال والدہ کی زندگی میں ہی ہو گیا تھا۔ ابھی ہم تین بھائی اور دو بہنیں حیات ہیں اور والدہ نے وصیت کی تھی کہ میری جائیداد سب بھائی بہن برابر سے بانٹ لینا۔
سوال یہ ہے کہ میری ایک بہن فرقانہ جس کا انتقال والدہ کی زندگی میں ہی ہوگیا تھا ان کے بچوں کو بھی حصہ دینا ہوگا؟ (فرقانہ کے انتقال کے بعد اس کے شوہر تین لڑکے اور تین لڑکیاں ہیں)، وراثت کیسے تقسیم ہوگی؟ سب کا حصہ بتائیں۔

Published on: Oct 16, 2017

جواب # 155272

بسم الله الرحمن الرحيم


Fatwa : 88-6/M=1/1439



 



صورت مسئولہ میں فرقانہ کا انتقال چونکہ والدہ کی زندگی میں ہوگیا تھا اس لیے فرقانہ اور ان کے بچوں کو والدہ کے ترکہ سے کوئی حصہ نہیں ملے گا، صورت مذکورہ میں والدہ مرحومہ کا پورا ترکہ موجودہ تین بھائی اور دو بہنوں کے درمیان تقسیم ہوگا۔ کل ۸/ سہام ہوں گے، ہر بھائی کو ۲-۲/ حصے اور ہر بہن کو ایک ایک حصہ ملے گا۔



کل حصے                           =                                                                                       ۸



-------------------------



ابن                                 =                                                                                       ۲



ابن                                 =                                                                                       ۲



ابن                                 =                                                                                       ۲



بنت                                =                                                                                       ۱



بنت                                =                                                                                       ۱



------------------------



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات