متفرقات - حلال و حرام

Pakistan

سوال # 212

ٹی وی پر اسلام کی طرف دعوت دینے کا کیا حکم ہے؟ مثلاً پیس ٹی وی ، یہ بہترین اسلامی چینل ہے اور ہزاروں غیر مسلمین ڈاکٹر ذاکر نائک سے سوالات کرتے ہیں اور اسلام سے قریب آتے ہیں۔ حالاں کہ مولانا محمد یوسف لدھیانوی نے فرمایا تھا کہ ٹی وی نجس العین ہے۔لیکن اب اگر کوئی ٹی وی پر دعوت اسلام دیتا ہے تو کیا وہ گنہہ گار ہوگا یا شریعت اسلامیہ کی رو سے ایسا کرنا جائز ہے؟ شکریہ!

Published on: Apr 21, 2007

جواب # 212

بسم الله الرحمن الرحيم

(فتوى: 343/ب=336/ب)


 


جس طرح شراب تمام خبائث کا مجموعہ ہے، اسی طرح ٹی وی تمام فواحش کا مجموعہ ہے۔ یہ آلہ لہو و لعب ہے۔


اس نے سنیما کی جگہ لے لی ہے۔ اسلام کے مقدس احکامات و ہدایات اور تعلیمات کو فواحش کے مجموعہ کے ذریعہ پیش کرنا یہ اسلام کی اور اس کے احکامات کی توہین ہے اور بے ادبی ہے۔ اغیار ہمارے اسلام اور اسلامیات کو لہو و لعب کا درجہ دینا چاہتے ہیں۔ یہ اسلامی حمیت و غیرت کے سخت خلاف ہے، ڈاکٹر ذاکر نائک صاحب اہل حق اور قابل اعتماد عالم نہیں ہیں۔ اس لیے ان کی باتیں سننے سے مسلمانوں کو احتیاط کرنی چاہیے۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات